Joel 2:1-32
2 “Gouru tung’ e Sayun!+
Kendo gouru nduru e goda maler ni lweny biro.
Ji duto modak e piny mondo okirni,Nikech odiechieng Jehova biro!+ Ochiegni ahinya!
2 Odiechiengno nobed chieng’ mudho mandiwa,+Odiechieng boche polo mapek kod mudho,+Kendo gode nogeng’ ler mokinyi.
Nitie oganda maduong’ ma nigi teko+Ma pok nobedoe nyaka nene,Bende, oganda ma kamano ok nobedie kendoE tienge duto ma biro.
3 Mach mager wang’o gik man nyimgi,Ka tokgi bende mach wang’o.+
Piny man nyimgi chalo gi puoth Eden+To ka ma giaye dong’ kotwo mana ka thim,Kendo onge gima giweyo kata achiel.
4 Gichalo gi fareseKendo giringo mana kaka farese mag lweny.+
5 Sa ma gichikore e wi gode, giwuo mana kaka geche,+Kendo kaka lum motwo ma mach wang’o.
Gichalo gi oganda maroteke mochan maber ne lweny.+
6 Ka gibiro to ng’ato ka ng’ato kirniKendo ji duto bwok.
7 Gimonjo mier ka jolweny.
Giidho ohinga mana kaka askeche.
Ng’ato ka ng’ato wuotho kare owuon,Kendo ok giketh kaka ochan-gi.
8 Ok gituomre;Ng’ato ka ng’ato sudo nyime kare owuon.
Kata ka aserni* onego moko kuom-gi,To modong’ ok wuog kargi.
9 Gimuomo dala maduong’, gikalo e wi ohingaGiidho kendo donjo ei udi, gidonjo gi dirise mana ka jakuo.
10 Piny yiengni e nyimgi, to polo bende tetniWang’ chieng’ gi dwe oimore,+Sulwe bende ok rieny.
11 Jehova biro ting’o dwonde malo e nyim joge mag lweny+ nikech ging’eny ahinya.+
Nimar ng’at ma chopo dwache en ratego;Nikech odiechieng Jehova en odiechieng’ malich kendo ma kelo luoro!+
Ere ng’at ma nyalo rito odiechiengno?”+
12 Jehova owacho niya: “To kata mana sani, lokreuru uduog ira gi chunyu duto,+Ka utueyo chiemo,+ kuywak kendo kugoyo nduru.
13 Yiechuru chunyu,+ to ok lepu+Mondo uduog ir Jehova Nyasachu,Nikech ong’won, okecho ji, iye ok wang’ piyo,+ herane mogundho osiko,+Kendo obiro loko pache kuom masira modwaro kelono.
14 Ng’ano mong’eyo ka Jehova Nyasachu biro loko pache,+Mi omiu gueth mogundho,Mondo uchiwne chiwo mar cham kod chiwo miolo?
15 Gouru tung’ e Sayun!
Gouru milome mondo ji otue. Luonguru chokruok mowal.+
16 Chokuru ji kanyachiel, kendo pwodhgiuru.+
Luonguru jodongo, kendo chokuru nyithindo nyaka ma pod dhoth.+
Wuon kisera mondo oa e ode kendo miaha bende oa e ode.
17 E kind agola gi kendo mar misango+Mad jodolo, jotich Jehova oywag ka giwacho niya:
‘A Jehova, kech jogi ma gin mwanduni,Kik iwe ogendni mamoko ojargi,Kik iwe ogendni oloch e wigi.
Ang’o ma dimi giwach ni, “Nyasachgi ni kanye?”’+
18 Bang’e, Jehova biro nyiso ni ohero pinye ahinya,Kendo obiro kecho joge.+
19 Jehova biro winjo ywakgi kendo obiro dwokogi niya:
‘Eri amiyou cham gi mzabibu kod mo,Mondo ucham uyieng’.+
Onge ogendni mamoko ma nochak ojaru kendo.+
20 Abiro riembo wasiki ma oa yo nyandwatAnariembe mi atere e piny motwo man nono,Ka wang’e ochomo nam man yo wuok chieng’,*To ng’eye ochomo nam man yo podho chieng’.*
Obiro tow mi othing’ jiKendo tikne biro saso piny.+
Nikech Nyasaye notim gik madongo.’
21 Kuom mano, in piny, kik ibed maluor.
To bed mamor kendo moil nikech Jehova biro timo gik madongo.
22 Un le bende, kik ubed maluor,Nikech lege manie thim nobed mang’ich kendo,+Kendo yiende biro nyago olembe.+
Ee, yiende ng’owo kod mzabibu bende nonyag olembe mang’eny.+
23 Beduru mamor un yawuot Sayun, kendo iluru kuom Jehova Nyasachu.+
Obiro miyou kodh chwiri moromou,Kendo obiro miyo koth ochwenu,Obiro miyou koth mokwongo gi koth machien, mana kaka chon.+
24 Cham manyien biro pong’o kuonde dino,Kendo divai kod mo biro pong’o kuonde bicho.+
25 Abiro duokonu gik ma ne okethore e higniMa det-bonyo ma ngemo, gi ma fuyo rumbi, kod dede matindo, kaachiel gi dede ma chamo gik moko duto nomonjoue.
Ne gin ogandana maduong’ ma ne aoronu.+
26 Koro ubiro bedo gi chiemo mathoth, mi ucham, muyieng’.+
Kendo unupak nying Jehova Nyasachu,+Ma osetimonu gik madongo miwuoro.
Bende, joga ok bi jar kendo.+
27 Unung’e ni an e dier Jo-Israel,+Kendo ni an e Jehova Nyasachu.+ Onge Nyasaye machielo mak mana an!
Bende, joga ok bi jar kendo.
28 Bang’e, anaol roho mara+ kuom ji duto,Mi yawuotu gi nyiu nokor wach,Kendo jodongu nolek lek,Bende, yawuotu none fweny.+
29 E ndalogo bende abiro olo roho maraKata mana kuom jotichna ma yawuoyi gi ma nyiri.
30 Abiro timo gik malich miwuoro e polo kendo e piny mondo obed ranyisi,Remo gi mach kod yiro modhuolore nobedie.+
31 Wang’ chieng’ nolokre mudho, kendo dwe nolokre remo,+Ka pok odiechieng’ maduong’ kendo malich mar Jehova ochopo.+
32 To ng’ato ang’ata ma luongo nying Jehova ibiro resi,+Nikech e Got Sayun gi Jerusalem e ka ma jo moringo nobedie,+ mana kaka Jehova osewacho,Mago e jo motony ma Jehova oluongo.”
