Hosea 11:1-12
11 “Ka Israel pod ne wuoyi, ne ahere,+Kendo ne aluongo wuoda oa Misri.+
2 To kaka ne gimedo* luongogi,E kaka ne gimedo dhi mabor kodgi.+
Ne gihero chiwo misengni ne sanamu mag Baal+Kendo chiwo misengni ne sanamu.+
3 An e ma ne apuonjo Efraim wuotho,+ ne ating’ogi e bedena;+To ne ok giyie ni an e ma ne achangogi.
4 Ne aywayogi gi tonde mag dhano,* tonde mag hera;+Nabedonegi ka ng’at ma gonyo jok e ng’utgi,*Kendo ne amiyo ng’ato ka ng’ato kuomgi chiemo.
5 Ok ginidog e piny Misri, Asuria e ma nobed ruodhgi,+Nikech ne gitamore duogo ira.+
6 Ligangla biro wirore e miechene+Obiro turo sirni momako rangeyene mi omuonygi nikech gik ma gichano.+
7 Joga ohero mana timo gik maricho.+
Kata obedo ni ne giluongogi malo,* onge ng’at ma chung’.
8 Yaye Efraim, ere kaka dajwang’i?+
Yaye Israel, ere kaka dachiwi e lwet jomoko?
Ere kaka datimni kaka Adma?
Ere kaka dami ibed ka Zeboim?+
Aseloko pacha;*Bende, agombo nyisi ng’wono.+
9 Ok abi olo mirimba.
Ok anaketh Efraim kendo,+Nimar an Nyasaye, ok an dhano,Ng’at Maler manie kindu;Ok anabi iri ka iya owang’.
10 Gibiro wuotho ka giluwo Jehova, kendo obiro ruto ka sibuor;+Ka oruto, nyithinde biro a yo podho chieng’ ka gitetni.+
11 Sa ma gia Misri, gibiro tetni mana ka winyo,Ka akuru moa e piny Asuria;+Kendo anami gidag e utegi,” Jehova owacho.+
12 “Efraim othung’a gi miriambo,Kendo Israel othung’a gi wuond.+
To Juda pod wuotho gi Nyasaye,Kendo omakore gi Ng’at Maler Moloyo.”+
