Tuku 7:1-24
7 I bosi, Yave ovovese Noa vo: “Kota muna nzaza, ongeye ye esi nzo aku awonso, kadi mbwene vo, ongeye i muntu ansongi vana vena e mbandu+ yayi.
2 Konso bulu kiavelela,+ kotesa makoko nsambwadi ye nkento nsambwadi; konso bulu kialembi velela, kotesa yole-yole, koko ye nkento;
3 e vangwa itilumukanga muna zulu, makoko nsambwadi ye nkento nsambwadi, mu vukisa e mbongo au ova ntoto wawonso.+
4 Kadi lumbu nsambwadi isidi, inokesa mvula+ ova ntoto mu lumbu 40, fuku yo mwini;+ ifukisa e ma yawonso yamoyo ina yavanga+ ova nza.”
5 Noa ovangidi mawonso kakanikinua kwa Yave.
6 Vava e kizalu kiayiza ova ntoto,+ Noa kimbuta kia mvu 600 kakala.
7 Noa okotele muna nzaza kumosi yo wan’andi amakala, yo nkaz’andi, ye akento a wan’andi, vitila kizalu kiza.+
8 Okotese konso bulu kiavelela ye konso bulu kialembi velela, vangwa itilumukanga ye vangwa yawonso iyatatanga ova ntoto,+
9 yizidi kwa Noa muna nzaza, yole-yole, koko ye nkento, wauna Nzambi kakanikina Noa.
10 Vioka lumbu nsambwadi, maza ma kizalu mezidi ova ntoto.
11 Muna mvu wa 600 wa zingu kia Noa, muna ngonde yazole, muna lumbu kia 17 kia ngonde yayi, muna lumbu kiaki, e nto zawonso za maza ye mielo mia zulu miziukidi.+
12 E mvula inokene ova ntoto mu lumbu 40, fuku yo mwini.
13 Muna lumbu kiaki, Noa okotele muna nzaza kumosi yo nkaz’andi yo wan’andi, Seme, Kami yo Yafete,+ ye akento tatu a wan’andi.+
14 Bakotele kumosi ye bulu ya mfuta mun’owu wa makanda mau, bulu ya vata mun’owu wa makanda mau, vangwa iyatatanga ova ntoto mun’owu wa makanda mau, vangwa itilumukanga mun’owu wa makanda mau, nuni zawonso ye vangwa yawonso ina yo mave.
15 Ikwamanene kwiza kwa Noa muna nzaza, yole-yole, muna vangwa yawonso ina ye fulumwinu kia moyo.*
16 Yawonso ikotele, koko ye nkento muna vangwa yawonso yamoyo, wauna o Nzambi kakanikina Noa. I bosi, Yave okangidi e kielo.
17 E kizalu ikwamanene ova ntoto mu lumbu 40, o maza mawokele, mayantikidi kukulwisa e nzaza, e nzaza iteyamene vana maza.
18 Maza mazele, makwamanene wokela ova ntoto, e nzaza iteyamene vana maza.
19 Maza mafukidi o ntoto, e miongo miawonso miandá miakala ova ntoto midimukini.+
20 Maza mazadidi, maviokele yinkoso* 15 vana ntandu a miongo.
21 E vangwa yawonso yamoyo yakala* ova ntoto ifwidi+—e vangwa itilumukanga, bulu ya vata, bulu ya mfuta, vangwa yakete ikiyilanga mu buka yo wantu awonso.+
22 E vangwa yawonso ova ntoto eyi yakala ye fulumwinu kia moyo*+ muna mazunu, ifwidi.
23 Nzambi ofukisi vangwa yawonso yamoyo ova ntoto, tuka muntu, bulu, vangwa iyatatanga ova ntoto ye vangwa itilumukanga muna zulu. Yawonso ifukisu ova ntoto;+ Noa kaka wavuluka+ ye awana bakala yandi muna nzaza.
24 O maza makwamanene fukila o ntoto mu lumbu 150.+
Mvovo vana yand'a lukaya
^ Yovo “mwand’a moyo.”
^ Mvovo wa sina: “E nitu zawonso zakala.”
^ Yovo “fulumwinu kia mwand’a moyo.”
