Tuku 10:1-32
10 Lwalu i lusansu lwa wan’a Noa: Seme,+ Kami yo Yafete.
Bawutidi wana kuna nim’a Kizalu.+
2 O wan’a Yafete: Ngome,+ Mangonge,+ Madai, Yavani, Tubali,+ Meseke+ yo Tirasi.+
3 O wan’a Ngome: Asekenaze,+ Rifati yo Tongarema.+
4 O wan’a Yavani: Elisa,+ Tasisi,+ Kitimi+ yo Dodani.
5 Muna yau i mwatuka o nkangu uzingilanga muna sanga, owu wasayana muna zunga yau, mun’owu wa ndinga zau, makanda mau ye zula yau.
6 O wan’a Kami: Kuse, Miseraime,+ Puti+ yo Kenani.+
7 O wan’a Kuse: Seba,+ Kavila, Sabeta, Rama+ yo Sabeteka.
O wan’a Rama: Seba yo Dedane.
8 O Kuse wawuta Nimerode. O Nimerode i muntu antete wakituka nkwa nkuma ova ntoto.
9 Nimerode wakituka nkongo a nkuma, otelamene Yave. Kiaki i kuma o wantu bevovelanga vo: “Nze Nimerode wa nkongo a nkuma, otelamene Yave.”
10 E kintinu kiandi kiayantikila muna* Babele,+ Ereke,+ Akadi ye Kalene, muna nsi ya Sina.+
11 Tuka muna nsi yayi, wele kuna Asuri,+ otungidi Ninive,+ Rekobote-Ire, Kala,
12 ye Resene, vana kati kwa Ninive ye Kala: Eyayi i mbanz’ampwena.*
13 Miseraime wawuta Ludime,+ Yanami, Labi, Nafetukime,+
14 Paterusi,+ Kaselu (muna yandi mwatuka Afelesetia)+ yo Kafeto.+
15 Kenani wawuta Sidone+ wa mwan’andi antete yo Kete,+
16 ye Aneyebuse,+ Aneyamore,+ Anengirengase,
17 Anekivi,+ Aneyareke, Anesini,
18 Aneyaruvadi,+ Anesemara ye Anekamati.+ I bosi, esi Kenani bamwanganene.
19 Ozevo, mwingilu wa Anekenani watuka kuna Sidone yakuna Ngerare,+ lukufi ye Ngaza,+ yakuna Sodoma, Ngomora,+ Adema ye Seboime,+ lukufi ye Lasa.
20 Oyau i wan’a Kami mun’owu wa makanda ye ndinga zau, mun’owu wa nsi ye zula yau.
21 O Seme mpe wawuta wana. Yandi i nkulu a wana awonso a Ebe,+ oyandi i mpangi a Yafete wa mwan’antete.*
22 O wan’a Seme: Elame,+ Asure,+ Ampakesade,+ Ludi yo Arami.+
23 O wan’a Arami: Usi, Kule, Ngetere yo Masi.
24 Ampakesade wawuta Sela,+ o Sela wawuta Ebe.
25 Ebe wawuta wana wole. Mosi nkumbu andi Pelenge,*+ kadi muna lumbu yandi e nza yavambana yakala.* E nkumbu a mpangi andi Yoketane.+
26 Yoketane wawuta Amodade, Selefe, Kasamavete, Yerake,+
27 Kadorama, Uzale, Dikela,
28 Obale, Abimaele, Seba,
29 Ofire,+ Kavila yo Yobabe; yau awonso awaya wan’a Yoketane.
30 E zunga bazingilanga kiatuka kuna Mesa yakuna Sefa, i zunga kia miongo mia Este.
31 Oyau i wan’a Seme mun’owu wa makanda ye ndinga zau, mun’owu wa nsi ye zula yau.+
32 Omama i makanda ma wan’a Noa mun’owu wa vumu ye zula yau. Muna yau i mwasayanena e zula ova ntoto kuna nim’a Kizalu.+
Mvovo vana yand'a lukaya
^ Yovo “E mbanza zantete za kintinu kiandi i.”
^ Nanga, “E mbanza zazi i ziyikilwanga vo mbanz’ampwena.”
^ Nanga, “oyandi i mbuta kwa Yafete.”
^ Ina ye nsasa vo: “Vambana.”
^ Yovo “o wantu ova ntoto bavambana bakala.”
