Tuku 3:1-24

  • Tuku dia sumu dia wantu (1-13)

    • Luvunu lwantete (4, 5)

  • Yave ofundisi akolami (14-24)

    • Ungunza wa mbongo a nkento (15)

    • Bayingilu muna Edene (23, 24)

3  O nioka+ i bulu kiasunda o lungalala* muna bulu yawonso ya mfuta kavanga o Yave wa Nzambi. O nioka ovovese nkento vo: “Nga i wau kikilu o Nzambi kavovele vo e bundu ya nti miawonso mia mpatu ke nudie yo ko e?”+  O nkento ovutwidi kwa nioka vo: “E bundu ya nti mia mpatu tulenda kweto dia.+  Kansi, vo i bundu kia nti una vana kati kwa mpatu,+ Nzambi wavova vo: ‘Ke nufwete kio dia ko, ke nufwete kio simba nkutu ko; avo nudidi kio, fwa nufwa.’”  Muna diadi, o nioka ovovese nkento vo: “Ke nufwa kweno ko.+  Kadi Nzambi ozeye wo vo muna lumbu nudia kio, meso meno metemoka, nukala nze Nzambi, nuzaya e mbote ye mbi.”+  Muna kuma kiaki, o nkento omwene vo e bundu kia nti kiambote muna dia ye kiambote muna meso, elo, kiambote muna tala. Ovelele bundu yo yantika kio dia.+ I bosi, ovene mpe kwa nkaz’andi vava bakedi kumosi, oyandi mpe oyantikidi kio dia.+  Dianu vo, o meso mau matemokene, bamwene vo nkonga* bena. Muna kuma kiaki, batungidi makaya ma nsanda mu fukil’e nitu zau.+  I bosi, bawidi e nding’a Yave wa Nzambi ekolo kekangalanga muna mpatu vava o kuma kubwitidi,* o yakala yo nkaz’andi basweme vana meso ma Yave wa Nzambi muna nti mia mpatu.  Yave wa Nzambi okwamanene bokela o yakala yo kumvovesa vo: “Akweyi wina?” 10  I bosi, o yakala ovutwidi vo: “Ngwidi e nding’aku mu mpatu, kansi wonga mbwene kadi nkonga nkele, i kuma nswamini.” 11  Muna diadi, Nzambi oyuvuidi vo: “Nani uzayisi vo nkonga okele?+ Nga odidi e bundu kia nti kina yakanikina vo kudie kio ko e?”+ 12  O yakala ovutwidi vo: “O nkento ona wampana kakala yame, yandi umpen’e bundu kia nti, i dianu ndididi kio.” 13  O Yave wa Nzambi ovovese nkento vo: “Nkia diambu ovangidi?” O nkento ovutwidi vo: “Nioka umpunginikini, i dianu ndididi kio.”+ 14  I bosi, Yave wa Nzambi ovovese nioka+ vo: “Wau vo ovangidi e diambu diadi, osibilu vana vena e bulu yawonso ya vata ye bulu yawonso ya mfuta. Mu vumu kiaku okangalela, mbundukutu a ntoto o dia e lumbu yawonso ya zingu kiaku. 15  Kimbeni*+ isia ova kati kwa ngeye+ yo nkento,+ vana kati kwa mbongo aku+ ye mbongo a nkento.+ Oyandi obosola* o ntu aku,+ ongeye otatika e bombo kiandi.”+ 16  Kuna kwa nkento, Nzambi ovovele vo: “Wokesa iwokesa e mpasi zaku vava oyimita; mu mpasi owutila o wana, kana una vo i wau, okala yo luzolo lwasaka muna nkaz’aku, oyandi okuyala.” 17  Kuna kwa Adami,* Nzambi ovovele vo: “Wau vo owididi e nding’a nkaz’aku yo dia e bundu kia nti kina yakanikina+ vo ‘Kudie kio ko,’ o ntoto usibilu mu kuma kiaku.+ Mu mpasi odila e mbongo a ntoto e lumbu yawonso ya zingu kiaku.+ 18  O ntoto ukumenena mvanga ye nsende za mfinda, mvudi a kiana odia. 19  Muna kiufuta kia ndose aku odila madia* yavana ovutuka muna ntoto, kadi mu ntoto wavangilwa.+ Kadi u ntoto, mu ntoto ovutuka.”+ 20  I bosi, Adami ovene nkaz’andi e nkumbu vo Eva,* kadi okituka ngudi a wantu awonso.+ 21  Yave wa Nzambi ovangidi Adami yo nkaz’andi e mvuatu miandá mia nkand’a bulu muna kubavuika.+ 22  I bosi, Yave wa Nzambi ovovele vo: “O muntu okitukidi nze mosi mu yeto, ozeye mbote ye mbi.+ Owau, muna lembi lambula koko kwandi kavela mpe bundu kia nti a moyo,+ kadia kio yo zinga yakwele mvu,*—” 23  Yave wa Nzambi umvaikisi muna mpatu a Edene+ kimana kavata o ntoto una kavangilwa.+ 24  Nzambi ovaikisi o muntu, osidi kuna este a mpatu a Edene akelubi+ yo nsosolo a nlaku a tiya wazietanga ntangwa zawonso mu lunga-lunga e nzil’a nti a moyo.

Mvovo vana yand'a lukaya

Yovo “ngangu zambi.”
Yovo “kimpene.”
Mvovo wa sina: “muna ntangwa ina mupepe uvevomokanga.”
Yovo “Kitantu.”
Yovo “odiatakesa; otufakesa.”
Ina ye nsasa vo: “Muntu; Wantu.”
Mvovo wa sina: “e mbolo.”
Ina ye nsasa vo: “Muntu Amoyo.”
Yovo “yamu mvu ya mvu.”