Tuku 5:1-32
5 Owau i nkand’a lusansu lwa Adami. Muna lumbu kina o Nzambi kavanga Adami, wamvangila muna fwaniswa kiandi.+
2 Yakala yo nkento kabavanga.+ Muna lumbu kina kabavanga,+ wabasambula yo kubayikila vo Muntu.*
3 Vava Adami kalungisi mvu 130, owutidi mwan’ayakala muna fwaniswa kiandi, muna mpw’andi, umven’e nkumbu Sete.+
4 Vava kawutidi Sete, Adami ozingidi diaka mvu 800. Owutidi wan’amakala yo wan’amakento.
5 Ozevo, e mvu miawonso mia zingu kia Adami 930, i bosi ofwidi.+
6 Vava Sete kalungisi mvu 105, owutidi Enose.+
7 Vava kawutidi Enose, Sete ozingidi diaka mvu 807. Owutidi wan’amakala yo wan’amakento.
8 Ozevo, e mvu miawonso mia zingu kia Sete 912, i bosi ofwidi.
9 Vava Enose kalungisi mvu 90, owutidi Kenane.
10 Vava kawutidi Kenane, Enose ozingidi diaka mvu 815. Owutidi wan’amakala yo wan’amakento.
11 Ozevo, e mvu miawonso mia zingu kia Enose 905, i bosi ofwidi.
12 Vava Kenane kalungisi mvu 70, owutidi Malalele.+
13 Vava kawutidi Malalele, Kenane ozingidi diaka mvu 840. Owutidi wan’amakala yo wan’amakento.
14 Ozevo, e mvu miawonso mia zingu kia Kenane 910, i bosi ofwidi.
15 Vava Malalele kalungisi mvu 65, owutidi Yarede.+
16 Vava kawutidi Yarede, Malalele ozingidi diaka mvu 830. Owutidi wan’amakala yo wan’amakento.
17 Ozevo, e mvu miawonso mia zingu kia Malalele 895, i bosi ofwidi.
18 Vava Yarede kalungisi mvu 162, owutidi Enoke.+
19 Vava kawutidi Enoke, Yarede ozingidi diaka mvu 800. Owutidi wan’amakala yo wan’amakento.
20 Ozevo, e mvu miawonso mia zingu kia Yarede 962, i bosi ofwidi.
21 Vava Enoke kalungisi mvu 65, owutidi Metusela.+
22 Vava kawutidi Metusela, Enoke okwamanene kangala yo Nzambi aludi* mu mvu 300. Owutidi wan’amakala yo wan’amakento.
23 Ozevo, e mvu miawonso mia zingu kia Enoke 365.
24 Enoke okwamanene kangala yo Nzambi aludi.+ I bosi, kamonekene diaka kwa muntu ko, kadi o Nzambi umbongele.+
25 Vava Metusela kalungisi mvu 187, owutidi Lameke.+
26 Vava kawutidi Lameke, Metusela ozingidi diaka mvu 782. Owutidi wan’amakala yo wan’amakento.
27 Ozevo, e mvu miawonso mia zingu kia Metusela 969, i bosi ofwidi.
28 Vava Lameke kalungisi mvu 182, owutidi mwan’ayakala.
29 Umven’e nkumbu Noa,*+ ovovele vo: “Ondioyu okututwasila lufiaulwisu* muna salu yeto ye mfuntu a moko meto, mu kuma kia ntoto wasibwa+ kwa Yave.”
30 Vava kawutidi Noa, Lameke ozingidi diaka mvu 595. Owutidi wan’amakala yo wan’amakento.
31 Ozevo, e mvu miawonso mia zingu kia Lameke 777, i bosi ofwidi.
32 Vava Noa kalungisi kimbuta kia mvu 500, owutidi Seme,+ Kami+ yo Yafete.+
Mvovo vana yand'a lukaya
^ Mvovo wa sina: “Adami; Wantu.”
^ Mvovo wa sina: “yo Nzambi.” Tala nsas’a Mvovo.
^ Nanga ina ye nsasa vo: “Vundu; Lufiaulwisu.”
^ Yovo “luvevoko.”
