Ebanghelio ni Marcos 16:1-8

  • Napagungar ni Jesus (1-8)

16  Idi nalpasen ti Sabbath,+ gimmatang da Maria Magdalena, Maria+ nga ina ni Santiago, ken ni Salome kadagiti nabanglo a yerba a pangsapsapoda iti bangkay ni Jesus.+  Iti umuna nga aldaw ti lawas, idi simmingisingen ti init, nakasapsapada a napan iti tanem.*+  Kinunada iti maysa ken maysa: “Pagpatulongantayo ngata a mangitulid iti bato a serra ti tanem?”  Ngem idi kitaenda ti tanem, naituliden ti bato uray no nakadakdakkel.+  Idi simrekda iti tanem, nakitada ti maysa nga agtutubo a lalaki nga agtugtugaw iti kannawan a nakabado iti puraw, isu a nakigtotda.  Kinunana kadakuada: “Dikay makigtot.+ Ammok a sapsapulenyo ni Jesus a Nazareno a nailansa iti kayo. Napagungaren.+ Awan ditoyen. Kitaenyo, ditoy idi ti nangikabilanda kenkuana.+  Inkay ibaga kadagiti adalanna agraman ken Pedro, ‘Mapmapanen idiay Galilea.+ Makitayonto sadiay kas imbagana kadakayo.’”+  Isu a nagtatarayda a rimmuar iti tanem nga agpigpigerger ken napalalo ti siddaawda. Ket awan ti nangibagbagaanda iti napasamak ta mabutbutengda.*+

Footnotes

Wenno “pakalaglagipan a tanem.”
Sigun kadagiti mapagpannurayan a nagkauna a manuskrito, agpatingga ti Ebanghelio ni Marcos iti ber. 8. Kitaem ti App. A3.