Job 9:1-35
9 Insungbat ni Job:
2 “Ammok a kasta a talaga dayta.
Ngem kasano koma a mangabak ti tao no idarumna ti Dios?+
3 No adda mayat a makisupiat* Kenkuana,+Awan maysa a masungbatanna iti rinibu nga isaludsod ti Dios.
4 Isu ket masirib* ken dakkel ti pannakabalinna.+
Asino ti manglaban kenkuana a saan a maan-ano?+
5 Iyalisna* dagiti bantay nga awan man la ti makaammo;Baliktadenna ida gapu iti ungetna.
6 Paggingginedenna ti daga,Tapno magunggon dagiti adigina.+
7 Bilinenna ti init a saan nga agsilnagKet saanna a pagrimaten dagiti bituen;+
8 Maymaysana a mangyukrad iti langit,+Ken magna kadagiti nangato a dalluyon ti baybay.+
9 Inaramidna dagiti konstelasion nga Ash,* Kesil,* ken Kimah,*+Ken dagiti konstelasion iti makin-abagatan a tangatang;*
10 Agar-aramid iti naindaklan ken saan a masukimat a bambanag,+Ken iti nakaskasdaaw a bambanag a saan a mabilang.+
11 Labsannak ti Dios ngem saanko a makita,Magna iti sanguanak ngem diak mailasin.
12 No adda rabsutenna, asino ti makalapped kenkuana?
Asino ti makaitured a mangibaga kenkuana, ‘Ania ti ar-aramidem?’+
13 Saan a kontrolen ti Dios ti ungetna;+Uray dagiti katulongan ti Rahab*+ ket agparintumeng kenkuana.
14 Isu a no sumungbatak kenkuanaLallalo a piliek a naimbag ti sasaok a makirinnason kenkuana!
15 Uray no siak ti husto, diak maitured ti sumungbat kenkuana.+
Ti laeng dawatek iti huesko* ket kaasiannak koma.
16 Sungbatannak ngata no awagak?
Diak patien a denggennak,
17 Ta mangyeg iti bagyo a mangdalapus kaniakKen paaduenna ti sugatko nga awan gapgapuna.+
18 Dina ipalubos a makaangesak;Ta gabgaburannak iti napait a bambanag.
19 No pannakabalin ti pagsasaritaan, isu ti kapigsaan;+
No hustisia ti pagtutungtongan, ibagana: ‘Asino ti mangibaga a nakabasolak?’*
20 Uray no siak ti husto, husgarannak ti mismo a ngiwatko;Uray no kanayon nga awan pagkurangak,* ideklarananto a nakabasolak.*
21 Uray no kanayon nga awan pagkurangak,* diak ammo ti mapasamakto kaniak;*Karurodko* ti biagko.
22 Agpapada ti amin. Isu nga ibagak,‘Agpadpada a dadaelenna dagiti inosente* ken managdakdakes.’
23 No bigla nga aglayus a pakatayan ti adu,Katawaanna ti nakakaasi a kasasaad dagiti inosente.
24 Naited ti daga kadagiti managdakdakes;+Abbonganna ti mata* dagiti hues ditoy daga.
No saan nga isuna ti mangabbong, asino ngarud?
25 Naparpartak dagiti aldawko ngem iti tumataray;+Lumabasda nga awan makitada a nasayaat.
26 Kas kadagiti bangka a runo ti kapartak ti ilalabasda,Kas iti kapaspas dagiti agila a mangtiliw iti tukmaanda.
27 No ibagak, ‘Lipatekon ti reklamok,Baliwak ti reaksionko ket agragsakak,’
28 Mabutengak latta gapu iti amin nga ut-ot a marikriknak;+Ken ammok a saanmo nga ideklara nga inosenteak.
29 Mapaneknekanto a nakabasolak.*
Apay pay laeng a saanak a sumuko?+
30 No marunrunaw a niebe ti pangdalusko iti bagik,Ken dalusak dagiti imak iti turo,*+
31 Itinnagnakto met laeng iti napitak nga abut,Ket uray dagiti badok kaariekdak.
32 Ta isu ket saan a tao a kas kaniak tapno sungbatak,Tapno agkaduakami a mapan iti korte.+
33 Awan ti tao nga agdesision* para kadakami,Ken agserbi kas huesmi.*
34 No isardengna la koma ti panangbautna kaniak*Ken dagiti pammutbutengna kaniak,+
35 Diakton mabuteng a makisarita kenkuana,Ta saanak a kasta.
Footnotes
^ Wenno “mangidarum.”
^ Lit., “masirib iti puso.”
^ Wenno “Ikkatenna.”
^ Mabalin a ti Great Bear a konstelasion (Ursa Major).
^ Lit., “dagiti makin-uneg a kuarto ti abagatan.”
^ Mabalin a dagiti bituen ti Pleiades iti konstelasion a Taurus.
^ Mabalin a ti Orion a konstelasion.
^ Mabalin a nakadakdakkel nga animal iti baybay.
^ Wenno mabalin nga, “iti kalabanko iti linteg.”
^ Lit., “mangpaayab kaniak?”
^ Wenno “Uray no inosenteak.”
^ Lit., “nakilloak.”
^ Wenno “Uray no inosenteak.”
^ Wenno “diak ammo ti kararuak.”
^ Wenno “Umsiek; Diak kayat.”
^ Wenno “dagidiay kanayon nga awan pagkuranganna.”
^ Lit., “rupa.”
^ Lit., “managdakdakesak.”
^ Wenno “sabon.”
^ Wenno “mangibabaet.”
^ Lit., “mangiparabaw iti imana kadakami a dua.”
^ Lit., “ikkatenna kaniak ti bastonna.”