Job 26:1-14

  • Sungbat ni Job (1-14)

    • “Ania metten ti panangtulongmo iti agkakapuy!” (1-4)

    • ‘Ti Dios imbitinna ti daga iti awan’ (7)

    • ‘Bassit laeng dagita a paset dagiti inaramid ti Dios’ (14)

26  Insungbat ni Job:   “Ania metten ti panangtulongmo iti agkakapuy! Ania metten ti panangisalakanmo iti agkakapsut a takiag!+   Nagsayaat ketdin ti imbalakadmo iti awanan sirib!+ Nagadu la ketdin ti impakaammom a praktikal a siribmo!*   Asino aya ti kasarsaritam,Ken asino ti nangtignay kenka a mangibaga kadagita?*   Agpigerger dagiti natay;Nababbabada ngem iti baybay ken kadagiti agnanaed kadagita.   Amin nga adda iti Tanem* ket makitkita ti Dios,+Makitkitana ti amin nga adda iti lugar ti pannakadadael.*   Inunnatna ti makin-amianan a tangatang* iti awan nagyanna a law-ang,+Imbitinna ti daga iti awan;   Bungonenna ti danum kadagiti ulepna,+Tapno saan a mabettak dagiti ulep iti dagsenda;   Lingdanna ti tronona,Abbonganna dayta iti ulepna.+ 10  Markaanna ti nagsabatan* ti langit ken dandanum;+Mangaramid iti pagpatinggaan ti lawag ken sipnget. 11  Magunggon dagiti mismo nga adigi ti langit;Makigtotda iti panangtubngarna. 12  Kiburenna ti baybay babaen ti pannakabalinna,+Ken babaen ti pannakaawatna, rangrangkayenna ti nagdakkel nga animal iti baybay.*+ 13  Pagbalinenna a naariwanas ti tangatang babaen ti angesna;*Duyoken ti imana ti naatap* nga uleg. 14  Kitaenyo! Bassit laeng dagita a paset dagiti inaramidna,+Arasaas laeng ti nangngegtayo maipapan kenkuana! Asino ngarud ti makaawat no kasanona a patauden ti napigsa a gurruod?”+

Footnotes

Wenno “sentido kumonmo.”
Lit., “Ken makin-anges (espiritu) ti rimmuar kenka?”
Wenno “Sheol,” kayatna a sawen, simboliko a pagtungpalan dagiti natay. Kitaem ti Glosario.
Wenno “Abaddon.”
Lit., “ti amianan.”
Lit., “sirkulo.”
Lit., “Rahab.”
Wenno “anginna.”
Wenno “aguy-uyas.”