Job 12:1-25

  • Sungbat ni Job (1-25)

    • “Saanak a nababbaba ngem dakayo” (3)

    • “Pagkakatawaandak” (4)

    • ‘Adda iti Dios ti kinasirib’ (13)

    • Nangatngato ti Dios ngem dagiti hues ken ar-ari (17, 18)

12  Insungbat ni Job:   “Agpayso a dakayo dagiti tattao nga adda ammona,*Ken awanton ti sirib inton mataykayo!   Ngem addaanak met iti pannakaammo.* Saanak a nababbaba ngem dakayo. Asino ti saan a makaammo kadagitoy a bambanag?   Uray no nalintegak ken awan pakababalawak,Pagkakatawaandak dagiti kakaduak,+ Ta umaw-awagak iti Dios ken kidkiddawek a sungbatannak.+   Daydiay nanam-ay ti biagna karurodna ti didigra;Pampanunotenna a para laeng dayta kadagidiay matumtumba.*   Natalna ti tolda dagiti mannanakaw,+Ken natalged ti biag dagidiay mangrurrurod iti Dios.+Dagidiay mangig-iggem iti didiosen a pagdaydayawanda.   Ngem pangngaasim ta saludsodam dagiti animal, ket isurodakanto;Saludsodam met dagiti billit iti tangatang ket ibagadanto kenka.   Wenno paliiwem* ti daga ket isuronakanto;Ket ipakaammonto dayta kenka dagiti ikan iti baybay.   Asino kadagitoy ti saan a makaammoA ti ima ni Jehova ti nangaramid kadagitoy? 10  Adda iti imana ti biag ti tunggal sibibiag*Ken ti anges* ti tunggal tao.*+ 11  Saan aya a ti sasao ket suboken ti lapayagA kas iti panangraman ti dila* iti makan?+ 12  Saan aya nga adda kinasirib kadagiti lallakayen,+Ken adda pannakaawat kadagiti atiddogen ti biagda? 13  Addaan ti Dios iti kinasirib ken pannakabalin;+Pammagbaga ken pannakaawat.+ 14  No mangrebba, saanen a maibangon;+No mangirikep, saanen a malukatan ti asinoman a tao. 15  No lapdanna ti dandanum, agmaga ti amin;+No bulosanna ida, layusenda ti daga.+ 16  Adda kenkuana ti pigsa ken praktikal a sirib;+Kukuana agpadpada daydiay mayaw-awan ken mangyaw-awan; 17  Papagnaenna dagiti mamalbalakad a sakasaka,*Pagbalinenna a maag dagiti hues.+ 18  Ikkatenna ti autoridad dagiti ari,+Ken pagbalinenna ida nga adipen. 19  Papagnaenna dagiti papadi a sakasaka,+Ken ikkatenna dagidiay nabayagen ti panagturayda;+ 20  Pagulimekenna dagidiay mapagtalkan a mammagbaga,Ket ikkatenna ti sirib dagiti lallakay;* 21  Laisenna dagiti natan-ok,+Ken pakapuyenna dagiti adda pannakabalinna;* 22  Ipalgakna ti nauneg a bambanag manipud iti kinasipnget,+Ken lawaganna ti nakaro a kinasipnget; 23  Itan-okna dagiti nasion tapno dadaelenna ida;Padakkelenna dagiti nasion tapno ipanawna ida. 24  Ikkatenna ti pannakaawat* dagiti lider ti tattao,Ken pagakar-akarenna ida iti let-ang.+ 25  Agar-arikapda iti sipnget,+ a sadiay awan ti silaw;Iyalis-alisna ida a kas kadagiti nabartek.+

Footnotes

Lit., “dakayo dagiti tattao.”
Lit., “puso.”
Wenno “maikagkaglis.”
Wenno mabalin a, “kasaritam.”
Wenno “ti kararua ti amin a sibibiag.”
Wenno “espiritu.”
Lit., “lasag ti amin a tao.”
Lit., “ngadas.”
Wenno “labus.”
Wenno “panglakayen.”
Lit., “palukayanna ti barikes dagiti mannakabalin.”
Lit., “puso.”