Job 21:1-34
21 Insungbat ni Job:
2 “Denggenyo a naimbag ti ibagak;Daytoy koma ti pangliwliwayo kaniak.
3 Anusandak bayat nga agsasaoak;Kalpasanna, mabalindakton nga uyawen.+
4 Tao kadi ti irekreklamok?
Ta no tao, saan kadi a maibus ti pasensiak?*
5 Kitaendak ket masdaawkayo,Apputenyo ti ngiwatyo.
6 No panunotek dayta, madanaganak,Ken agpigerger ti intero a bagik.
7 Apay nga atiddog ti biag dagiti managdakdakes,+Bumakbaknangda* bayat a lumaklakayda?+
8 Kanayon a kaduada dagiti annakda,Ken makitada dagiti annak ken appokoda.
9 Saan a maan-ano dagiti balayda, awan ti pagbutnganda,+Ket saan ida a dusdusaen ti Dios.
10 Umad-adu latta dagiti kalakian a bakada;Agkaraanak ken saan a maal-alisan dagiti kabaian a bakada.
11 Kasla arban nga agtataray dagiti annakda a lallaki,Ken agaayam dagiti annakda.
12 Agkakantada a dangdanggayan ti pandereta ken arpa,Ken agraragsakda iti uni ti plauta.*+
13 Kontentoda iti panagbiagdaKen umulogda iti Tanem* a sitatalna.*
14 Ngem ibagbagada iti pudno a Dios, ‘Dinakami bibiangan!
Saanmi a kayat nga ammuen ti daldalanmo.+
15 Asino koma ti Mannakabalin-amin tapno pagserbianmi?+
Ania koma ti magunggonami no isu ket am-ammomi?’+
16 Ngem ammok a dida mataginayon ti kinarang-ayda.+
Diak kapada ti panagpampanunot* dagiti managdakdakes.+
17 Kasano kasansan a maiddep ti silaw dagiti dakes?+
Kasano kasansan a dumteng kadakuada ti didigra?
Kasano kasansan a dadaelen ida ti Dios gapu iti pungtotna?
18 Agbalinda kadi a kas iti garami a mayanginKen kas iti taep nga itayab ti bagyo?
19 Idulin ti Dios ti panangdusa ti maysa nga ama iti bukodna nga annak.
Ngem sapay koma ta balsen ti Dios tapno maammuanna dayta.+
20 Saan koma a makita dagiti matana ti pannakadadaelna,Ket isu koma ti uminum iti pungtot ti Mannakabalin-amin.+
21 Ta panunotenna pay aya ti mapasamak kadagiti annakna inton matayNo umababa*+ ti biagna?
22 Adda kadi makaisuro iti Dios,*+Idinto ta Isu ti manguk-ukom uray kadagiti nangangato?+
23 Adda tao a matay bayat a kapigpigsaanna+Bayat nga awan problemana ken nanam-ay ti biagna,+
24 Bayat a nakaluklukmeg dagiti lupponaKen natibker dagiti tulangna.*
25 Ngem adda met matay gapu iti nakaro a liday,A dina man la pulos naramanan dagiti nasayaat a banag iti biag.
26 Agpadada nga agidda iti tapok,+Ken agpadada nga iggesen.+
27 Ammok no ania ti pampanunotenyoKen dagiti planoyo a mangdangran kaniak.*+
28 Ta damdamagenyo, ‘Ayan ti balay daydiay prominente,Ken sadino ti paggigianan daydiay managdakdakes?’+
29 Saankayo aya a nagsaludsod kadagiti biahero?
Saanyo kadi nga ad-adalen a naimbag dagiti kapaliiwanda,*
30 A maisalakan dagiti managdakdakes iti aldaw ti didigraKen maalaw iti aldaw ti rigat?
31 Asino ti mangkompronta kenkuana maipapan iti dalanna,Ken asino ti mangbales iti ar-aramidenna?
32 Inton maipan iti pakaipumponanna,Maguardiaanto ti tanemna.
33 Makaay-ayonto ti daga ti tanap a maigabur kenkuana,+Ket sumurotto ti amin a tattao kenkuana*+Kas kadagiti din mabilang nga immun-una kenkuana.
34 Apay ngarud nga awan serserbi ti panangliwliwayo kaniak?+
Puro panangallilaw dagiti ibagbagayo kaniak!”
Footnotes
^ Lit., “espirituk.”
^ Wenno “Bumilbilegda.”
^ Wenno “pito.”
^ Wenno “apagkanito,” kayatna a sawen, nabiit ken saanda a nagrigat a natay.
^ Wenno “balakad; plano.”
^ Wenno “magudua.”
^ Wenno “makaisuro iti Dios iti aniaman.”
^ Lit., “nabasa ti pata dagiti tulangna.”
^ Wenno mabalin a, “ti naranggas nga aramidenyo kaniak.”
^ Lit., “pagilasinanda.”
^ Lit., “Ket guyodenna ti intero a sangatauan a maisurot kenkuana.”
