Job 12:1-25
12 Ket simmungbat ni Job ket kinunana:
2 “Iti kinapudnona dakayo dagiti umili,Ket ti sirib matayto a maikanunong kadakayo!+
3 Addaanak met iti puso+ a kas kadakayo.Saanak a nababbaba ngem dakayo,+Ket siasino ti awanan iti bambanag a kas kadagitoy?
4 Maysa a pagkakatawaan iti padana a tao ti pagbalinak,+Maysa nga umaw-awag iti Dios tapno isu sumungbat koma kenkuana.+Ti pagkakatawaan isu daydiay nalinteg, awan pakababalawanna.
5 Iti panunot, daydiay awan pagdanaganna adda panangumsina iti mismo a pannakapukaw;+Naisagana dayta nga agpaay kadagidiay addaan agkalogkalog a saksaka.+
6 Ti toltolda dagiti manangagaw awan pagdanaganda,+Ket dagidiay mamagpungtot unay iti Dios addaanda iti kinatalgedA maipaay iti daydiay nangitugot iti maysa a dios iti imana.+
7 Nupay kasta, imtuodam, pangngaasim, dagiti naamo nga animal, ket isurodakanto;+Kasta met dagiti nagpayak a parsua iti langlangit, ket ibagadanto kenka.+
8 Wenno ipakitam ti pannakaseknanmo iti daga, ket isuronakanto dayta;+Ket ideklaranto kenka dayta dagiti ikan iti baybay.+
9 Siasino kadagitoy amin ti saan a makaammo unayA ti met laeng ima ni Jehova inaramidna daytoy,+
10 Nga iti imana adda ti kararua+ ti tunggal maysa a sibibiagKen ti espiritu ti isuamin a lasag ti tao?+
11 Saan aya a ti met laeng lapayag subokenna ti sasao+Kas iti ngadas+ a ramananna ti taraon?
12 Awan aya ti kinasirib kadagiti lallakayen+Ken pannakaawat iti kaatiddog dagiti aldaw?
13 Kenkuana adda kinasirib ken kinamannakabalin;+Addaan pammatigmaan ken pannakaawat.+
14 Adtoy! Mangrebba, tapno awan panangbangon;+Pagbalinenna a siririkep dayta iti tao, tapno saan a mailukat.+
15 Adtoy! Mangikabil iti pangtiped iti dandanum ket agmagada;+Ket ibaonna ida, ket baliwanda ti daga.+
16 Kenkuana adda pigsa ken praktikal a kinasirib;+Kukuana daydiay makaaramid iti biddut ken daydiay mangyaw-awan;+
17 Papanenna a sakasaka dagiti manangbalakad,+Ket papanenna a simamauyong dagiti mismo nga ukom.
18 Dagiti reppet ti ar-ari pudno a warwarenna,+Ket mangigalut iti sinturon kadagiti padingpadingda.
19 Papagnaenna a sakasaka ti papadi,+Ket dagidiay permanente ti pannakaipatugawna iluodna;+
20 Ti panagsao ikkatenna kadagidiay matalek,Ket ipanawna ti kinasimbeng dagiti lallakay;
21 Mangibukbok iti pannakaumsi kadagiti natan-ok,+Ket ti barikes dagidiay mannakabalin pudno a pakapuyenna;
22 Mangipanayag iti nauneg a bambanag manipud iti kinalidem,+Ket ti napuskol a kinasipnget iyegna nga agturong iti lawag;
23 A padakkelenna dagiti nasion, tapno madadaelna ida;+Nga iwarasna dagiti nasion, tapno maipanawna ida;
24 Nga ikkatenna ti puso dagidiay pannakaulo dagiti umili iti daga,Tapno mapagallaallana ida iti ongaong a disso,+ a sadiay awan ti dalan.
25 Agarikapda iti sipnget,+ a sadiay awan ti silaw,Tapno mapagallaallana ida a kas iti nabartek a tao.+
