Job 7:1-21
7 “Saan aya nga adda inkapilitan a panagtrabaho+ a maipaay iti mortal a tao iti daga,Ket dagiti aldawna saanda aya a kas kadagiti aldaw ti maysa a patangtangdanan a trabahador?+
2 Kas iti maysa nga adipen iliwenna ti salinong,+Ken kas iti patangtangdanan a trabahador urayenna dagiti tangdanna.+
3 Iti kasta napaikutanak kadagiti awan pategna a lunar a bulan,+Ket dagiti rabii ti riribuk+ nabilangda maipaay kaniak.
4 No nakaiddaakon kinunak met, ‘Kaanonto a bumangonak?’+Ket inton ti rabii pudno nga aglabasen, namelmelanak metten iti di pannakaidna agingga iti apagriwet ti agsapa.
5 Ti lasagko nakawesan kadagiti igges+ ken bingbingkulog ti tapok;+Ti met laeng kudilko nagkeggakeggang ket agrunaw.+
6 Nagbalin a naparpartak dagiti mismo nga aldawko+ ngem iti barkilia ti managabel,Ket agngudoda iti kinaawan namnama.+
7 Lagipem a ti biagko angin;+A ti matak saannanto a makita manen ti naimbag.
8 Ti mata daydiay makakita kaniak saannakton a makita;Dagita matam situturongto kaniak, ngem awanakton.+
9 Ti ulep sigurado a dumteng iti panagngudona ket pumanaw;Gapuna daydiay bumaba idiay Sheol saanton nga umuli.+
10 Saanton a pulos agsubli iti balayna,Ket isu saanton a pulos bigbigen ti dissona.+
11 Siak, met, saankonto nga igawid ti ngiwatko.Agsaoakto iti tuok ti espirituk;Maseknanakto iti kinapait ti kararuak!+
12 Maysaak aya a baybay wenno ulimaw ti baybay,Tapno mangisaadka koma iti guardia+ kaniak?
13 Idi kinunak, ‘Ti iddak liwliwaennakto,Ti pagiddaak tumulongto a mangawit iti pakaseknak,’
14 Pinagkullayawnak pay babaen kadagiti tagtagainep,Ket babaen kadagiti sirmata pinagtignaynak a siaaliaw,
15 Tapno pilien ti kararuak ti maangsan,Ipapatay+ imbes a dagiti tulangko.
16 Linaksidko dayta;+ agingga iti tiempo a di nakedngan saanak nga agbiag.Sardayannak, ta dagiti aldawko maysada a sang-aw.+
17 Ania ti mortal a tao+ tapno isu taraknem,Ken tapno isaadmo koma ti pusom kenkuana,
18 Ken tapno isu ipaayam koma iti asikaso iti tunggal bigat,Tapno iti tunggal kanito isu subokem?+
19 Apay a saanmonto nga ipanaw kaniak ti panangmatmatmo,+Wenno uray baybay-annak agingga a tilmonek ti katayko?
20 No nagbasolak, ania ti maaramidak maibusor kenka, ti Manangpaliiw iti sangatauan?+Apay nga inkabilnak kas ti puntiriam, iti kasta agbalinak koma a dadagsen kenka?
21 Ket apay a dika pakawanen ti salungasingko+Ken palabsen ti biddutko?Ta ita iti tapok+ agiddaakto;Ket pudno unay a sapulennakto, ket awanakton.”
