Job 38:1-41
38 Ket ni Jehova sinungbatanna ni Job manipud iti allawig+ ket kinunana:
2 “Siasino daytoy a mangliblibeg iti pammatigmaanBabaen iti sasao nga awanan pannakaammo?+
3 Bariksam dagiti lomom, pangngaasim, kas iti maysa a nabaneg a lalaki,Ket bay-am a saludsodanka, ket pakaammuannak.+
4 Sadino ti ayanmo idi imbangonko ti daga?+Ibagam kaniak, no ammom ti pannakaawat.
5 Siasino ti nangipasdek kadagiti rukodna, no kas pagarigan ammom,Wenno siasino ti nangyunnat iti rabawna ti pagrukod a parteng?
6 Iti ania ti nakailumloman ti sulluop a batbatayna,+Wenno siasino ti nangisaad iti batona a pasuli,
7 Idi a dagiti bituen ti agsapa+ sirarag-o a nagikkisda a sangsangkamaysa,Ken ti amin nga annak ti Dios+ nangrugida a nagdir-i buyogen ti panangpadayaw?
8 Ket siasino ti nangsagben iti baybay babaen kadagiti rikep,+A nangrugi a rummuar a kas no rumkuas dayta manipud iti aanakan;
9 Idi inkabilko ti ulep kas kawesnaKen ti napuskol a daguyemyem kas pangbungon a bedbedna,
10 Ket insaadko ti alagadek iti daytaKen nangipasdekak iti balunet ken ruruangan,+
11 Ket kinunak, ‘Agingga ditoy mabalinmo ti umay, ket saan nga ad-adayo pay;+Ket ditoy nga agpatingga dagiti napannakkel a dalluyonmo’?+
12 Ti bigat binilinmo aya manipud kadagiti aldawmo nga agtultuloy?+Impakaammom aya iti bannawag ti dissona,
13 Tapno tenglenna dagiti ungto ti daga,Iti kasta dagidiay nadangkes maiwagwagda manipud iti dayta?+
14 Pagbalbaliwenna ti bagina kas iti pila+ iti baba ti maysa a pangselio,Ket agsaad ti bambanag kas iti pagan-anay.
15 Ket ti lawagda mamedmedan+ kadagidiay nadangkes,Ket ti met laeng nangato a takiag matukkol.+
16 Nakagtengkan aya kadagiti ubbog ti baybay,Wenno nagpagnapagnakan+ aya a nangbirok iti nadanum a yuyeng?+
17 Naipanayagen aya kenka dagiti ruangan ni patay,+Wenno dagiti ruangan ti napuskol a kinasipnget+ makitam aya?
18 Naimutektekam aya a sisasaririt ti akaba a babaet ti daga?+Ibagam, no naammuam amin dayta.
19 Sadino, ita, ti dalan nga agturong iti pagtataengan ti lawag?+No maipapan iti sipnget, sadino, ita, ti dissona,
20 Tapno maipanmo iti beddengnaKen tapno maawatam koma dagiti dana nga agturong iti balayna?
21 Naammuam aya agsipud ta iti daydi a tiempo mayan-anakka,+Ken agsipud ta adu ti bilang dagiti aldawmo?
22 Nakastrekkan aya kadagiti kamalig ti niebe,+Wenno makitam aya uray dagiti kamalig ti uraro,+
23 Isuda nga inggawidko maipaay iti tiempo ti rigat,Maipaay iti aldaw ti dangadang ken gubat?+
24 Sadino, ita, ti pagdalanan ti lawag iti panagwarasna,Ken ti wayaway nga angin+ iti pannakaiwaraswarasna iti rabaw ti daga?
25 Siasino ti nangbisngay iti kalasugan a maipaay iti layusKen iti dalan a maipaay iti nakagurgurruod nga ulep ti bagyo,+
26 Tapno mamagtudo iti rabaw ti daga a sadiay awan ti tao,+Iti rabaw ti let-ang a sadiay awan ti naindagaan a tao,
27 Tapno mangpennek kadagiti binagyo ken langalang a dissoKen tapno mamataud iti itutubo ti ruot?+
28 Adda aya pannakaama ti tudo,+Wenno siasino ti nangipasngay kadagiti amor?+
29 Makintian ti pudno a pagtaudan ti yelo,Ket no maipapan iti nagbalay a linnaaw+ ti langit, siasino ti pudno a mangyanak iti dayta?
30 Ti met laeng dandanum agtalinaedda a silelemmeng a kas babaen iti bato,Ket ti rabaw ti nadanum a yuyeng tumangken a mismo.+
31 Maigalutmo aya a siiirut dagiti reppet ti Kimah a konstelasion,Wenno mapalukayam aya dagiti mismo a singdan ti Kesil a konstelasion?+
32 Mairuarmo aya ti Mazzarot a konstelasion iti naituding a tiempona?Ket no maipapan iti Ash a konstelasion a siaasibay ti annakna, maiturongmo aya ida?
33 Naammuam aya dagiti paglintegan ti langlangit,+Wenno maisaadmo aya ti kinaturayna iti daga?
34 Maipigsam aya ti timekmo uray agingga iti ulep,Iti kasta maabbongannaka ti manglapunos a kinawadwad ti mismo a danum?+
35 Makaibaonka aya kadagiti kimat tapno mapandaKet kunaenda kenka, ‘Adtoykami!’?
36 Siasino ti nangikabil iti sirib+ kadagiti palunapin ti ulep,Wenno siasino ti nangited ti pannakaawat+ iti karkarna iti tangatang?
37 Siasino ti makabilang nga apagpag-isu kadagiti ulep buyogen ti kinasirib,Wenno dagiti burnay ti langit—siasino ti makaibalinsuek kadakuada,+
38 Inton ti tapok maibukbok a kas agbalin a sinukog a masa,Ken dagiti met laeng bingkol ti daga agtitipkelda?
39 Ti met laeng leon mayanupam aya iti inanupanKet mapennekmo aya ti nabiag a gartem dagiti urbon a leon,+
40 Inton agalikenkenda kadagiti paglemmengan a lugar,+Wenno agtalinaedda a nakaidda iti talimeng maipaay iti panagsaneb?
41 Siasino ti mangisagana a maipaay iti wak ti taraonna+Inton dagiti bukodna nga urbon agpatulongda iti Dios,Inton agallaallada agsipud ta awan ti makan?
