Job 36:1-33
36 Ket intultuloy pay a kinuna ni Eliu:
2 “Anusannak iti apagbiit a kanito, ket ideklarakto kenkaNga adda pay sasao a sawen maipaay iti Dios.
3 Awitekto ti pannakaammok manipud adayo,Ket iti Nangsukog kaniak ipabiangkonto ti kinalinteg.+
4 Ta ti sasaok iti kinapudnona saan a kinaulbod;Daydiay naan-anay iti pannakaammo+ adda kenka.
5 Adtoy! Ti Dios mannakabalin+ ken saanto a manglaksid;Isu nabileg iti pannakabalin ti puso;
6 Saannanto a taginayonen a sibibiag ti asinoman a nadangkes,+Ngem ti panangukom kadagidiay naparigatan ipaaynanto.+
7 Dagiti matana saannanto nga isina iti asinoman a nalinteg;+Uray ti ar-ari iti trono+—Pagtugawennanto met ida iti agnanayon, ket maitan-okdanto.
8 Ket no maparautanda kadagiti grilios,+Makautiboda babaen kadagiti tali ti pannakaparigat.
9 Kalpasanna ibagananto kadakuada ti maipapan iti wagas a panagtignaydaKen dagiti salungasingda, agsipud ta agpalangguadda.
10 Ket luktannanto dagiti lapayagda iti pammagbaga,+Ket kunaennanto a rebbeng a tumallikudda iti makapasakit.+
11 No agtulnog ken agserbida,Leppasendanto dagiti aldawda iti naimbagKen dagiti tawenda iti makaay-ayo.+
12 Ngem no saanda nga agtulnog, aglabasdanto+ uray pay babaen iti maysa a pika,+Ket mauyosto ti biagda nga awanan pannakaammo.
13 Ket dagidiay apostata iti puso agurnongdanto iti unget.+Saanda koma nga agpatulong agsipud ta pinarautanna ida.
14 Ti kararuada matayto iti mismo a kinaagtutubo,+Ken ti biagda iti tengnga dagiti lallaki a balangkantis iti templo.+
15 Alawennanto daydiay naparigatan iti pannakaparigatna,Ket luktannanto ti lapayagda iti panangirurumen.
16 Ket pudno unay a guyugoyennakanto met manipud iti ngiwat ti tuok!+Ak-akaba a baet,+ saan a nakipet, ti addanto iti lugarna,Ket ti pangliwliwa ti lamisaanmo mapnonto iti kinalukmeg.+
17 Iti hudisial a sentensia iti daydiay nadangkes+ pudno unay a mapusekkanto;Ti met laeng hudisial a sentensia ken kinahustisia aginniggemdanto.
18 Ta annadam a ti pungtot+ saannaka a guyugoyen iti makapasuron a panagtipat,Ket ti met laeng dakkel a subbot+ saannaka koma nga iyaw-awan.
19 Agbunganto aya ti panagpatulongmo?+ Saan, saan uray iti tuokUray pay dagiti amin a nabileg a panagreggetmo.+
20 Dika iliwen ti rabii,A dagiti tattao agtalawda iti ayanda.
21 Agaluadka tapno saanka a bumaw-ing iti makapasakit,+Ta daytoy ti pinilim imbes a ti rigat.+
22 Adtoy! Ti met laeng Dios agtignay a sitatan-ok buyogen ti pannakabalinna;Siasino ti manangisuro a kas kenkuana?
23 Siasino ti nangisingir kenkuana iti dalanna,+Ket siasino ti nangikuna, ‘Nakaaramidka iti kinakillo’?+
24 Laglagipem a rebbeng nga itan-okmo ti aramidna+Nga inkanta dagiti tattao.+
25 Minatmatan dayta ti mismo nga intero a sangatauan;Ti met laeng mortal a tao kumitkita manipud adayo.+
26 Kitaem! Ti Dios natantan-ok ngem iti kabaelantayo nga ammuen;+Saan a kabaelan a sukimaten ti bilang dagiti tawenna.+
27 Ta ipangatona dagiti taredted ti danum;+Sagatenda kas tudo maipaay iti angepna,
28 Tapno agaruyot dagiti ulep,+Agtedtedda a siwawadwad iti sangatauan.
29 Kinapudnona, siasino ti makatarus kadagiti palunapin ti ulep,Dagiti panagkerraad manipud abong-abongna?+
30 Adtoy! Insaknapna iti dayta ti lawagna,+Ket dagiti ramut ti baybay inabbonganna.
31 Ta babaen kadakuada irupirna ti kalintegan ti il-ili;+Isu mangted iti naruay a taraon.+
32 Kadagiti imana inabbonganna ti kimat,Ket mangipasdek iti bilin iti dayta maibusor iti manangsillong.+
33 Ti panagbanugbogna+ ibagana ti maipapan kenkuana,Kasta met dagiti dinguen maipapan iti daydiay um-umay.
