Job 20:1-29
20 Ket simmungbat ni Zofar a Naamatita ket kinunana:
2 “Gapuna ti bukodko a mangrirriribuk a pampanunot sungbatandak,Uray pay maigapu iti makin-uneg a pannakariribukko.
3 Ti maysa a manginsulto a pammagbaga kaniak mangngegko;Ket sumungbat kaniak ti maysa nga espiritu nga awanan iti pannakaawat nga ik-ikutak.
4 Iti amin a tiempo ammom kadi daytoy mismo a banag,Nanipud pay naikabil ti tao iti rabaw ti daga,+
5 A ti narag-o nga ikkis ti nadangkes a tattao ababa+Ken ti panagrag-o ti apostata apagkanito?
6 Nupay ti kinatan-okna agpangato agingga iti langit a mismo+Ken ti met laeng ulona dumanon agingga kadagiti ulep,
7 Kas kadagiti tipkel ti iblengna isu mapukaw iti agnanayon;+Dagidiay mismo a makakita kenkuana kunaendanto, ‘Sadino ti ayanna?’+
8 Kas iti maysa a tagtagainep isu tumayabto, ket saandanto a masarakan;Ket maabugto kas maysa a sirmata iti rabii.+
9 Ti mata a nakaimatang kenkuana saannanto nga aramiden ti kasta manen,+Ket isu saanton a makita ti dissona.+
10 Dagiti bukodna nga annak sapulendanto ti pabor dagiti nanumo a tattao,Ket dagiti bukodna nga ima isublidanto ti napateg a bambanagna.+
11 Dagiti bukodna a tulang napnoda iti kired ti kinaagtutubona,Ngem makikaiddanto kenkuana dayta iti tapok laeng.+
12 No ti dakes nasam-it ti ramanna iti ngiwatna,No tunawenna dayta iti baba ti dilana,
13 No isu addaan iti pannakipagrikna iti dayta ket saanna a baybay-an,Ken no igawgawidna dayta iti tengnga ti ngadasna,
14 Ti met laeng taraonna sigurado a mabaliwanto kadagiti bukodna a bagis;Isunto ti apro dagiti kobra iti unegna.
15 Ti kinabaknang inalun-onna, ngem ibakuarnanto dayta;Paruarento dayta ti Dios manipud iti mismo a tianna.
16 Ti gita dagiti kobra susopennanto;Isu papatayento ti dila ti maysa a karasaen.+
17 Saannanto a pulos makita dagiti pagay-ayusan ti danum,+Napegges-ayusna a wawaig ti diro ken mantekilia.
18 Isublinanto dagiti nagun-odna a sanikua ket saannanto nga alun-onen dayta;Kas iti kinabaknang manipud panagtagilakona, ngem saannanto a tagiragsaken dayta.+
19 Ta nangrumekrumek, nangbaybay-a kadagiti nanumo;Nangagaw iti mismo a balay a saanna nga imbangon.+
20 Ta pudno unay a saannanto nga ammo ti nam-ay iti tianna;Babaen iti matarigagayan a bambanagna isu saanto nga agtalaw.+
21 Awan ti natedda nga alun-onenna;Dayta ti makagapu a ti piana saanto a manayon.
22 Bayat a ti kinaaglaplapusananna adda iti alimpatokna isu maringgoranto;+Ti isuamin a pannakabalin ti mismo a dakes a kalak-aman umayto a bumusor kenkuana.
23 Mapasamak koma a, tapno punnuen ti tianna,Ibaonnanto ti sumsumged nga ungetna kenkuana+Ket pagtuduennanto dayta kenkuana, kadagiti bagisna.
24 Isu itarayannanto+ ti armas a landok;Isu salputento ti maysa a bai a gambang.
25 Ti maysa a pika sumalputto pay iti bukotna,Ken ti maysa a sumilsilap nga igam sumalput iti aprona;+Ti nakaal-aliaw a bambanag mapanto a maibusor kenkuana.+
26 Ti isuamin a kinasipnget maisagananto a maipaay kadagiti naidulin a sanikuana;Isu ibusento ti apuy nga awan ti nangyubyob;+Agbanagto iti dakes iti maysa a nakalasat iti toldana.
27 Ti langit ipanayagnanto ti biddutna,+Ket ti daga umalsanto a maibusor kenkuana.
28 Ti napigsa a bayakabak itulidnanto ti balayna;Addanto bambanag a maibuyat iti aldaw ti ungetna.+
29 Daytoy ti binglay ti nadangkes a tao manipud iti Dios,+Ti mismo a naisao a tawidna manipud iti Dios.”
