Job 13:1-28
13 “Adtoy! Nakita amin daytoy ti matak,Ti lapayagko nangngegna ken utobenna dayta.
2 No ania ti ammoyo siak pagaammok met unay;Saanak a nababbaba ngem dakayo.+
3 Nupay kasta, siak, iti biangko, agsaoak iti mismo a Mannakabalin-amin,+Ket iti pannakirikiar iti Dios maragsakanak.
4 Iti sabali a bangir, manangipilkatkayo iti kinaulbod;+Dakayo amin ket mangngagas nga awan pategna.+
5 No koma laeng naan-anay nga agulimekkayo,Tapno agbalin a kinasirib iti biangyo!+
6 Denggenyo, pangngaasiyo, dagiti pangbales nga argumentok,+Ket dagiti panagpakaasi dagiti bibigko ipangagyo.
7 Agsaokayto aya iti kinakillo maipaay iti Dios a mismo,Ket maipaay kenkuana agsaokayto aya iti allilaw?+
8 Isu tratuenyonto aya a buyogen ti panangidumduma,+Wenno maipaay iti pudno a Dios makisupiatkayto aya iti linteg?
9 Naimbag aya nga usisaennakayo?+Wenno kas iti maysa a pagang-angawanna ti mortal a tao isu pagang-angawanyonto aya?
10 Di bumurong a tubngarennakayto+No iti nalimed padasenyo ti mangipakita iti panangidumduma;+
11 Ti mismo a dayawna saannakayto aya a pagaliawen,Ket ti mismo a panagalinggaget kenkuana umapay kadakayo?+
12 Dagiti malaglagip a sasaoyo ket proverbio a dapdapo;Dagiti munturod ti kalasagyo kaslada munmunturod ti kalasag a pila.+
13 Agulimekkayo iti sanguanak, tapno siak makapagsaoak.Kalpasanna umay koma kaniak uray aniaman dayta!
14 Apay nga awitek ti lasagko kadagiti ngipenkoKen ikabilko ti bukodko a kararua iti dakulapko?+
15 Uray pay no isu papatayennak, saanak aya nga aguray?+Makirikiarak laeng iti sangona maipaay iti bukodko a daldalan.
16 Isu pakaisalakanak met,+Ta iti sanguananna awanto ti sumrek nga apostata.+
17 Denggenyo a nalaing ti saok,+Ket ti deklarasionko adda koma kadagiti lapayagyo.
18 Adtoy! Pangngaasiyo, nangidatagak iti kaso ti hustisia;+Pagaammok unay a siak addaak iti umiso.
19 Siasino daydiay a makisupiatto kaniak?+Ta ita no agulimekak mauyosto laeng ti biagko!
20 Isuna laeng ta dua a banag ti dika aramiden kaniak;Iti kasta a kasasaad saanakto nga aglemmeng maigapu laeng kenka;+
21 Iyadayom kaniak ti bukodmo nga ima,Ket ti panagaliaw kenka—saannak koma a pagkullayawen dayta.+
22 Mabalin nga umawagka tapno siak sumungbatak,Wenno agsaoak koma, ket ipaayannak iti sungbat.
23 Iti ania a pamay-an nga addaanak kadagiti biddut ken basbasol?Ipakaammom kaniak ti bukodko nga iyaalsa ken ti bukodko a basol.
24 Apay nga ilingedmo ti mismo a rupam+Ken ibilangnak kas kabusormo?+
25 Pagkuyegyegemto kadi ti maysa a bulong laeng a maipalpalais,Wenno kamatkamatem ti nagango a punget ti garami laeng?
26 Ta agtultuloy ti panagsuratmo maibusor kaniak iti napait a bambanag+Ket pagtagikuaennak kadagiti pagbanagan dagiti biddut ti kinaagtutubok.+
27 Pagtalinaedem met a naikabil ti saksakak kadagiti tul-ong,+Ket siputam amin a dandanak;Maipaay kadagiti dapan ti saksakak markaam ti bukodmo a linia.
28 Ket isu kas iti maysa a banag a rinuker a marunot;+Kas iti kawes a pudno nga ibusen ti sanga.+
