Job 6:1-30
6 Ket simmungbat ni Job ket kinunana:
2 “O no ti panagluksawko+ natimbang koma a sangsangkamaysa,Ket iti isu met laeng a tiempo ikabilda ti panagrigatko kadagiti mismo a timbangan!
3 Ta ita nadagdagsen pay ngem uray kadagiti darat dagiti baybay.Dayta ti makagapu a ti bukodko a sasao nadawelda a sarita.+
4 Ta adda kaniak dagiti pana ti Mannakabalin-amin,+Ti gitada in-inumen ti espirituk;+Naguurnos a maibusor kaniak dagiti aligaget manipud iti Dios.+
5 Aguga kadi ti maysa a sebra+ iti rabaw ti ruot,Wenno agemmak ti maysa a toro iti rabaw ti taraonna?
6 Ti awan ramanna a bambanag makanto kadi nga awan ti asin,Wenno adda kadi aniaman a raman iti nagalis a tubbog ti malbabisko?
7 Ti kararuak nagkedked a mangsagid iti aniaman a banag.Kaslada sagubanit iti taraonko.
8 O dumteng koma ti kiddawkoKet ti Dios ipaayna koma uray ti namnamak!
9 Ket ti Dios agtultuloy koma ket rumekennak,A ruk-atanna ti imana ket gessatennak!+
10 Uray dayta kaskasdi a liwliwak;Ket lumagtoak iti rag-o+ kadagiti panagpasikalko,Nupay isu awanan iti pannakipagrikna, ta saanko nga inlemmeng ti sasao+ Daydiay Santo.+
11 Ania ti bilegko, tapno agtultuloy koma nga agurayak?+Ket ania ti panungpalak, tapno agtultuloy koma a pagpautek ti kararuak?
12 Ti kadi bilegko isu ti bileg dagiti bato?Wenno ti kadi lasagko ket gambang?
13 Ti kadi kabukbukodan a tulong awan kaniak,Ket ti met laeng nabunga a panagtrabaho naabug manipud kaniak?
14 No maipapan iti asinoman a mangigawid iti naayat a kinamanangngaasi manipud bukodna a kadua,+Idiannanto met uray ti panagbuteng iti Mannakabalin-amin.+
15 Nakilangen a sigugulib dagiti bukodko a kakabsat,+ kas iti ayus iti kalam-ekna,Kas iti pagayusan dagiti ayus iti kalam-ekna nga agtultuloy nga aglabas.
16 Nasipngetda gapu iti yelo,Aglemmeng kadakuada ti mismo a niebe.
17 Iti naikeddeng a panawen agbalinda nga awanan danum,+ napagulimekda;Inton pumudoten mamagaanda manipud dissoda.+
18 Maisiasi dagiti dana ti dalanda;Sumang-atda nga agturong iti ongaong a disso ket mapukawda.
19 Kimmita dagiti sangkakuyogan a managbiahe ti Tema,+Inuray ida ti agdaldaliasat a bunggoy dagiti Sabeo.+
20 Pudno unay a mabainda agsipud ta nagtalekda;Immayda agingga dita a lugar ket maupayda.+
21 Ta ita awan patpategyo;+Makitayo ti aligaget, ket agbutengkayo.+
22 Gapu aya ta kinunak, ‘Mangtedkayo kaniak,Wenno manipud iti pannakabalinyo mangiparangkapkayo maigapu kaniak;
23 Ket alawendak iti ima ti kabusor,+Ken iti ima dagiti manangikuspil subbotendak koma’?+
24 Isurodak, ket siak, iti biangko, agulimekakto;+Ket no ania ti biddut a naaramidak ipaawatyo kaniak.+
25 Ti sasao ti kinalinteg ket—O saanda a naut-ot!+Ngem ania ti tubngaren ti panangtubngar iti biangyo?+
26 Ti aya panangtubngar iti sasao isu ti gandatenyo,Idinto ta ti sasao daydiay naupay+ maipaayda iti angin laeng?+
27 Anian nga ad-adda pay nga agbibinnunotkayo uray maigapu iti asinoman nga awanan ama,+Ket isuboryo ti kaduayo!+
28 Ket ita agtultuloykayo, ipangagdak,Ket kitaenyo no agulbodakto+ kadagiti mismo a rupayo.
29 Agsublikayo, pangngaasiyo—saanyo a bay-an a tumaud ti kinakillo—Wen, agsublikayo—ti kinalintegko adda pay laeng iti dayta.+
30 Adda kadi kinakillo iti dilak,Wenno ti mismo a ngadasko saanna kadi a mailasin ti panagrigat?
