Job 30:1-31
30 “Ket ita kinatawaandak,+Dagidiay ub-ubing iti al-aldaw ngem siak,+A dagiti ammada pinagkedkedak komaNga isaad a kadua dagiti aso iti arbanko.
2 Uray ti pannakabalin dagiti imada—ania ti usar dayta kaniak?Kadakuada napukaw ti kired.+
3 Gapu iti panagkasapulan ken bisin baogda,Nga agkibkibkibda iti awanan danum a rehion,+A sadiay idi kalman adda bagyo ken panaglangalang.
4 Rurrurosenda ti naapgad a yerba iti sibay ti babassit a kayo,Ket ti ramut dagiti kayo a retama isu idi ti taraonda.
5 Manipud iti komunidad mapagtalawda;+Dagiti tattao bugkawanda ida a kas iti mannanakaw.
6 Kasapulan nga agtaengda iti mismo a darisdis dagiti naapres a ginget,Kadagiti abut iti tapok ken iti batbato.
7 Iti tengnga ti babassit a kayo agugada;Iti sirok dagiti siitan maalikumkomda a sangsangkamaysa.
8 Annak daydiay nakuneng,+ kasta met annak daydiay awan naganna,Nasaplitda a naparuar iti daga.
9 Ket ita nagbalinak pay a tema ti kantada,+Ket maysaak kadakuada a maipaay a pagkukuna.+
10 Kinarimondak, nagtalinaedda nga adayo kaniak;+Ket manipud iti rupak saanda nga inggawid ti tuprada.+
11 Ta pinalukayanna ti bukodko a parteng ti pana ket pinagpakumbabanak,Ket ti pangngednged binay-anda a nalukay maigapu kaniak.
12 Iti makannawanko tumakderda kas maysa a pangen;Ti sakak binay-anda a mapan,Ngem inggabsuonda maibusor kaniak dagiti makadidigra a pangtipedda.+
13 Rinakrakda dagiti danak;Makagunggonada laeng maipaay iti pakaparigatak,+Nga awananda iti aniaman a katulongan.
14 Kas ilalasat iti nalawa a giwang umayda;Iti sidong ti bagyo nagtulidda.
15 Dagiti kellaat a panagaligaget naiturongda kaniak;Ti kinataknengko makamat a kas iti angin,Ket kas iti ulep naglabas ti pakaisalakanak.
16 Ket ita ti kararuak maiparukpok iti unegko;+Dagiti aldaw ti rigat+ petpetandak.
17 Iti rabii nalussok ken nagregreg manipud kaniak dagiti mismo a tulangko,+Ket dagiti ut-ot a mangkibkibkib kaniak awan a pulos panaginanada.+
18 Babaen iti kinaruay ti pannakabalin agbalbaliw ti kawesko;Kas iti kuelio ti nagayad a kawesko palikmutannak dayta.
19 Impababanak agingga iti pila,Iti kasta agparangak a kas tapok ken dapdapo.
20 Agpatulongak kenka, ngem saannak a sungbatan;+Nagtakderak, tapno maipakitam a siiimdengka kaniak.
21 Sika agbalbaliwka tapno agbalinka a naulpit kaniak;+Buyogen ti naan-anay a pannakabalin ta imam ingpem ti gura kaniak.
22 Ingatonak iti angin, pasakayennak iti dayta;Kalpasanna runawennak iti maysa a pannakarpuog.
23 Ta pagaammok unay a pagsubliennakto ken patay,+Ken iti balay ti gimong maipaay iti tunggal maysa a sibibiag.
24 Isuna laeng ta awan ti mangyunnat iti imana maibusor iti bunton laeng dagiti rebba,+Uray kabayatan ti panagrakaya ti maysa awan ti panagpatulong maipapan kadagidiay a banag.
25 Pudno unay a sinangitak daydiay addaan iti narikut nga aldaw;+Ti kararuak nagleddaanganna daydiay napanglaw.+
26 Nupay nagurayak iti naimbag, kaskasdi a dakes ti dimteng;+Ken inur-urayko ti lawag, ngem daguyemyem ti dimteng.
27 Napagburek dagiti bukodko a bagis ket saanda a nagulimek;Sinangodak dagiti aldaw ti rigat.
28 Nagpagnapagnaak a sililiday+ idinto ta awan ti lawag ti init;Timmakderak iti kongregasion, nagpatpatulongak.
29 Maysa a kabsat kadagiti chacal ti nagbalinak,Ken maysa a kadua iti annak a babbai dagiti abestrus.+
30 Ti mismo a kudilko ngimmisit+ ken nagregreg manipud kaniak,Ket dagiti mismo a tulangko bimmarada gapu iti kinamaga.
31 Ket ti arpak nagbalin nga agpaay laeng iti panagleddaang,Ken ti pitok agpaay iti timek dagidiay agsangsangit.
