Mun fito ne daga al’ummai da al’adu dabam-dabam, amma makasudinmu guda ne. Fiye da haka, muna so mu daukaka Jehobah, Allahn da aka ambata a Littafi Mai Tsarki, wanda ya halicci sama da duniya. Muna iya kokarinmu mu yi koyi da annabi Yesu kuma muna alfahari cewa ana kiranmu mabiyansa na gaskiya. Kowannenmu yana amfani da lokacinsa wajen taimaka wa mutane a kai a kai su san abin da ke cikin Littafi Mai Tsarki da kuma Mulkin Allah. Domin muna ba da shaida ko kuma gaya wa mutane game da Jehobah Allah da Mulkinsa, shi ya sa ake kiranmu Shaidun Jehobah.

Ka bincika dandalinmu. Ka kara koya game da mu da kuma imaninmu.