በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

የይሖዋ ምሥክሮች

አማርኛ

ኢየሱስ የአምላክ ልጅ የተባለው ለምንድን ነው?

ኢየሱስ የአምላክ ልጅ የተባለው ለምንድን ነው?

መጽሐፍ ቅዱስ ምን ይላል?

አምላክ ቃል በቃል ልጆች የምትወልድለት ሚስት የለውም። ይሁን እንጂ፣ እሱ ሕይወት ያላቸው ነገሮች በሙሉ ፈጣሪ ነው። (ራእይ 4:11) በመሆኑም አምላክ የፈጠረው የመጀመሪያው ሰው ማለትም አዳም “የአምላክ ልጅ” ተብሎ ተጠርቷል። (ሉቃስ 3:38) በተመሳሳይም ኢየሱስ የተፈጠረው በአምላክ እንደሆነ መጽሐፍ ቅዱስ ያስተምራል። በመሆኑም ኢየሱስም “የአምላክ ልጅ” ተብሏል።—ዮሐንስ 1:49

አምላክ ኢየሱስን የፈጠረው አዳምን ከመፍጠሩ በፊት ነው። ሐዋርያው ጳውሎስ ኢየሱስን አስመልክቶ “እሱ የማይታየው አምላክ አምሳልና የፍጥረት ሁሉ በኩር ነው” በማለት ጽፏል። (ቆላስይስ 1:15) ኢየሱስ ሕልውና ያገኘው በቤተልሔም በግርግም ውስጥ ከመወለዱ ከረጅም ጊዜ በፊት ነው። እንዲያውም ኢየሱስ “አመጣጡ ከጥንት፣ ከቀድሞ ዘመን” እንደሆነ መጽሐፍ ቅዱስ ይገልጻል። (ሚክያስ 5:2) ኢየሱስ የአምላክ የበኩር ልጅ እንደመሆኑ መጠን ሰው ሆኖ በምድር ላይ ከመወለዱ በፊት በሰማይ መንፈሳዊ ፍጡር ሆኖ ይኖር ነበር። ኢየሱስ ራሱ ‘ከሰማይ እንደመጣ’ ተናግሯል።—ዮሐንስ 6:38፤ 8:23