በቀጥታ ወደ ዋናው ጉዳይ ግባ

በእምነት ብርቱ ሁኑ!

የ2021 የይሖዋ ምሥክሮች የክልል ስብሰባ

የይሖዋ ምሥክሮች በዚህ ዓመት ያዘጋጁትን የሦስት ቀን የክልል ስብሰባ እንድትመለከት በደስታ እንጋብዝሃለን። በኮቪድ-19 ወረርሽኝ ምክንያት የዘንድሮው የክልል ስብሰባ የሚተላለፈው በኢንተርኔት አማካኝነት jw.org ላይ ነው። የስብሰባው የተለያዩ ክፍሎች በሐምሌና በነሐሴ ወራት በተከታታይ እንዲወጡ ይደረጋል።

የስብሰባው ጎላ ያሉ ገጽታዎች

  • ዓርብ፦ አምላክ እንዳለ፣ ቃሉ እውነት እንደሆነ፣ የሥነ ምግባር መሥፈርቶቹ ጠቃሚ እንደሆኑና አምላክ እንደሚወድህ እንድትተማመን የሚያደርግህ ምንድን ነው? በስብሰባው ላይ አሳማኝ ማስረጃዎች ይቀርቡልሃል። አስገራሚ የሆኑት የፍጥረት ሥራዎች፣ ፈጣሪ የገባው ቃል እንደሚፈጸም የሚያረጋግጡት እንዴት ነው? መልሱ በስብሰባው ላይ ይብራራል።

  • ቅዳሜ፦ የይሖዋ ምሥክሮች ሁሌም የሚሰብኩት ለምንድን ነው? የሚሰብኩት መልእክት በዓለም ዙሪያ ያሉ ሰዎችን እንዴት እየጠቀመ እንዳለ ተመልከት።

  • እሁድ፦ “ምሥራቹ” ምንድን ነው? (ማርቆስ 1:14, 15) ይህ ምሥራች እውነት እንደሆነ ልንተማመን እንችላለን? “በምሥራቹ እመኑ” የሚል ርዕስ ያለውን መጽሐፍ ቅዱሳዊ ንግግር ስታዳምጥ ለእነዚህ ጥያቄዎች መልስ ታገኛለህ።

  • መጽሐፍ ቅዱሳዊ ድራማ፦ በመጽሐፍ ቅዱስ ውስጥ ካሉት እጅግ የሚመስጡ ታሪኮች አንዱ የነቢዩ ዳንኤል ታሪክ ነው። ዳንኤል በሕይወቱ ያጋጠሙትን ፈታኝ ሁኔታዎች፣ ችግሮችና ፌዝ የተቋቋመው እንዴት ነው? ቅዳሜና እሁድ የሚቀርበው ባለ ሁለት ክፍል ድራማ ይህን ታሪክ ይዟል።

ክፍያ የለውም

ፕሮግራሙን ለመከታተል አካውንት መክፈት ወይም መመዝገብ አያስፈልግህም

የስብሰባውን ፕሮግራም እይ፤ እንዲሁም ስለ ክልል ስብሰባዎቻችን የሚገልጽ ቪዲዮ ተመልከት።