Moreri 6:1-12

  • Go nna le dithoto mme o sa di itumelele (1-6)

  • Itumelele se o nang le sone gone jaanong (7-12)

6  Go na le masetlapelo ano a mangwe a ke a boneng mo lefatsheng,* mme a tlwaelegile mo bathong:  Modimo wa boammaaruri o naya motho dikhumo le dithoto le kgalalelo, mo a sa tlhokeng sepe se a se eletsang; le fa go ntse jalo Modimo wa boammaaruri ga a mo letle gore a di itumelele, mme o letla motswakwa go di itumelela. Seno ke lefela e bile ke go boga mo go botlhoko.  Fa motho a ka nna le bana ba le lekgolo, mme a tshela dingwaga di le dintsi a bo a tsofala, le fa go ntse jalo a sa itumelele dilo tsa gagwe tse dintle pele a swa,* tota nka re ngwana yo o tsholwang a sule o botoka thata go mo gaisa.+  Gonne ngwana yono o ne a tsholelwa lefela. Go ntse jaaka e kete o ne a swela mo lefifing, e bile ga a na leina.  Tota le fa a ise a ke a bone letsatsi kgotsa a ise a ke a itse sepe, o sa ntse a le botoka thata* go feta motho yole.+  Mosola wa go tshela dingwaga di le dikete tse pedi mme o sa bone boitumelo ke ofe? A botlhe ga ba ye kwa lefelong le le lengwe?+  Tiro yotlhe ya motho ya bonatla ke go tlatsa molomo wa gagwe;+ le fa go ntse jalo, le ka motlha ga a kgotsofale.  Gonne motho yo o botlhale o gaisa sematla ka eng,+ kgotsa go na le mosola wa eng fa mohumanegi a itse go itshedisa?*  Go botoka go itumelela se matlho a se bonang go na le go kgarakgatshiwa ke dikeletso tsa gago. Seno le sone ke lefela, ke go lelekisa phefo. 10  Sepe fela se se leng teng, se setse se teilwe leina, e bile go a itsiwe gore motho ke eng; mme ga a kgone go ganetsana* le yo o maatla go mo gaisa. 11  Fa go nna le mafoko* a mantsi, go nna le lefela le legolo; mme a solegela motho molemo ka eng? 12  Ke mang yo o itseng gore ke eng se se molemo se motho a ka se dirang mo nakong e khutshwane ya botshelo jwa gagwe jwa lefela, jo bo fetang jaaka moriti?+ Gonne ke mang yo o ka bolelelang motho se se tla diragalang mo lefatsheng* fa a sena go swa?

Dintlha Tse di Kwa Tlase

Seheb., “ka fa tlase ga letsatsi.”
Kgotsa “tota e bile lebitla e ise e nne la gagwe.”
Seheb., “o na le boikhutso jo bogolo.”
Seheb., “go tsamaya fa pele ga batshedi.”
Kgotsa “go seka kgang ya gagwe.”
Kgotsa gongwe “dilo.”
Seheb., “ka fa tlase ga letsatsi.”