Mathaio 1:1-25

1  Buka ya polelo ya botshelo+ jwa ga Jesu Keresete, morwa Dafide,+ morwa Aborahame:+   Aborahame a nna rraagwe Isake;+Isake a nna rraagwe Jakobe;+Jakobe a nna rraagwe Juda+ le bomorwarraagwe;   Juda a nna rraagwe Perese+ le Sera ka Tamare;Perese a nna rraagwe Heserone;+Heserone a nna rraagwe Rame;+   Rame a nna rraagwe Aminadabe;Aminadabe a nna rraagwe Nashone;+Nashone a nna rraagwe Salamone;+   Salamone a nna rraagwe Boase ka Rahabe;Boase a nna rraagwe Obede ka Ruthe;+Obede a nna rraagwe Jese;+   Jese a nna rraagwe Dafide+ kgosi.+Dafide a nna rraagwe Solomone+ ka mosadi wa ga Uria;   Solomone a nna rraagwe Rehoboame;+Rehoboame a nna rraagwe Abija;Abija+ a nna rraagwe Asa;+   Asa a nna rraagwe Jehoshafate;+Jehoshafate a nna rraagwe Jehorame;+Jehorame a nna rraagwe Usia;   Usia a nna rraagwe Jothame;Jothame+ a nna rraagwe Ahase;+Ahase a nna rraagwe Hesekia;+ 10  Hesekia a nna rraagwe Manase;+Manase+ a nna rraagwe Amone;+Amone+ a nna rraagwe Josia; 11  Josia+ a nna rraagwe Jekonia+ le bomorwarraagwe ka nako ya go kobelwa kwa Babelona.+ 12  Morago ga go kobelwa kwa Babelona Jekonia a nna rraagwe Shelatiele;+Shelatiele a nna rraagwe Serubabele;+ 13  Serubabele a nna rraagwe Abiude;Abiude a nna rraagwe Eliakime;Eliakime a nna rraagwe Asore; 14  Asore a nna rraagwe Sadoke;Sadoke a nna rraagwe Akime;Akime a nna rraagwe Eliude; 15  Eliude a nna rraagwe Eliasare;Eliasare a nna rraagwe Mathane;Mathane a nna rraagwe Jakobe; 16  Jakobe a nna rraagwe Josefa monna wa ga Marea, yo Jesu, yo o bidiwang Keresete+ a neng a tsalwa ka ene.+ 17  Jalo, dikokomana tsotlhe go tloga ka Aborahame go fitlha mo go Dafide e ne e le dikokomana di le lesome le bonè, mme go tloga ka Dafide go fitlha kwa go kobelweng kwa Babelona e ne e le dikokomana di le lesome le bonè, mme go tloga ka go kobelwa kwa Babelona go fitlha mo go Keresete e ne e le dikokomana di le lesome le bonè. 18  Mme go tsholwa ga ga Jesu Keresete go ne go le ka tsela eno. Ka nako ya fa mmaagwe e bong Marea a ne a solofeditswe lenyalo+ ke Josefa, o ne a fitlhelwa a imile ka moya o o boitshepo+ pele ga ba tshwaraganngwa. 19  Le fa go ntse jalo, Josefa monna wa gagwe, ka gonne a ne a siame e bile a sa batle go mo dira segakgamalelo+ mo bathong, a ikaelela go mo tlhala+ ka sephiri. 20  Mme fa a sena go akanya thata ka dilo tseno, bona! moengele wa ga Jehofa a bonala kwa go ene mo torong, a re: “Josefa, morwa Dafide, o se ka wa tshaba go isa Marea mosadi wa gago gae, gonne boimana jwa gagwe ke jwa moya o o boitshepo.+ 21  O tla tshola morwa, mme o tshwanetse go mo raya leina o re Jesu,+ gonne o tla boloka+ batho+ ba gagabo mo maleong+ a bone.” 22  Gotlhe mo tota go ne ga diragala gore go diragadiwe se se neng sa buiwa ke Jehofa+ ka moporofeti+ wa gagwe, a re: 23  “Bona! Kgarebane+ e tla ima mme e tla tshola morwa, mme ba tla mo raya leina ba re Imanuele,”+ mo, fa go ranolwa, go rayang, “Modimo+ o Na le Rona.” 24  Foo Josefa a tsoga mo borokong mme a dira jaaka moengele wa ga Jehofa a ne a mo kaetse, mme a isa mosadi wa gagwe gae. 25  Mme a se ka a tlhakanela dikobo+ le ene go fitlha a tshola morwa;+ mme a mo raya leina a re Jesu.+

Dintlha Tse di Kwa Tlase