Utor u Hiihii 4:1-34
4 Tor Solomon tema tor sha Iserael cii.+
2 Ka ati a mbatomov nav mba vesen* je ne: Asaria wan u Sadoki+ lu pristi;
3 Elihorev man Ahiya, ônov mba Shisha lu mbaakawe;+ Yehoshafati+ wan u Ahiludi lu orngeren;
4 Benaia+ wan u Yehoyada, nengen sha ikyumutya; Sadoki man Abiatar+ lu upristi;
5 Asaria wan u Natan,+ lu orhemen u utyombaiorov; Sabudi wan u Natan lu pristi man ijende i tor;+
6 Ahishar lu or u nengen sha ya; Adoniram+ wan u Abeda, lu or u nengen sha mba i kighir ve, ve lu eren tom u kpan la.+
7 Solomon lu a utyombaiorov 12 mba ve nengen sha Iserael cii, shi ve naan tor man ya na kwaghyan yô. Hanma ve nan lu a tom u van a kwaghyan uwer môm ken inyom.+
8 Ka ati a ve je ne: Wan u Hur, un nengen sha haregh u iwoogh u Eferaim;
9 wan u Deker, un nengen sha Makasa man Shaalebim+ man Bete-shimeshi, kua Elon-bete-hana;
10 wan u Hesedi, un nengen sha Aruboti (lu a Soko man tar u Hefer cii);
11 wan u Abinadabi, un nengen sha upev mba Dor cii (Tafati wan u Solomon lu kwase na);
12 Baana wan u Ahiludi, un nengen sha Taanaki man Megido,+ kua Bete-shean cii,+ u a lu ikyua a Saretan, vegher u shin Yesereel la, shi mough hen Bete-shean yem hen Abel-mehola zan zan za nyôr hen haregh u Yokemeam;+
13 wan u Geber, un nengen sha Ramoti-gileadi+ (lu a agar a kiriki a Yair+ wan u Manase, agar ne nga ken Gileadi;+ shi lu a haregh u Argobi,+ u a lu ken Bashan la:+ lu agar a vesen 60, a i maa a i kase shi i wa a uishindan mba togula yô);
14 Ahinadabi wan u Ido, un nengen sha Mahanaim;+
15 Ahimaashi, un nengen sha Nafetali (yange vôso Basemati wan u Solomon ugen la);
16 Baana wan u Hushai, un nengen sha Asher man Bealoti;
17 Yehoshafati wan u Parua, un nengen sha Isakar;
18 Shimei+ wan u Ela, un nengen sha Benyamin;+
19 Geber wan u Uri, un nengen sha tar u Gileadi,+ ka tar u Shihon+ tor u Mbaamor man u Ogo+ tor u Bashan je la. Shi tyoor ugen lu u nengen sha utyombaiorov mbagen mba ken tar la cii yô.
20 Yuda man Iserael ngee er waarawa u hen kpezegemnger nahan;+ ve lu yan kwagh, man kwagh shi ember.+
21 Solomon hemen ityartor la cii, hii hen Ifi*+ la zan zan nyôr hen tar u Mbafiliti man ikighirtar i Igipiti. Ve lu tan Solomon kpandegh shi ve lu eren un tom sha ayange a a lu uma la cii.+
22 Kwaghyan u Solomon sha hanma iyange i lu mwem ma i woo ma vie tsembelee yô, ukoor uikyaren* 30 man mwem ukoor uikyaren 60
23 man abua a i koso a ken ityôr 10, man abua a i koso a ken toho yô 20, man iyôngo 100, i wa mbaashim man anihyoov man uikpam man uzegembainyonov ker ga.
24 Gadia lu un lu a tahav sha hanma kwagh Ifi*+ yande ne ye, hii hen Tifesa zan zan nyôr Gasa,+ kua ator a a lu Ifi yande ne la cii; shi bem lu hen hanma haregh na cii.+
25 Sha ayange a Solomon la cii, Yuda man Iserael cii tema kpe ve iyol, hanma or tema hen itine i kon u wain u nan, man hen itine i kon u tur u nan, hii hen Dan zan zan nyôr Bersheba.
26 Shi Solomon lu a ayouanyinya 4,000* sha ci u anyinya a na, a a kpelan akeke a na a utya yô, man anyinya* 12,000.+
27 Utyombaiorov mban naan Tor Solomon kwaghyan, kua hanma or u nan yaan kwagh sha tebul u Tor Solomon cii. Hanma ve nan nenge ér kwagh môm yina ken uwer u nan, u nan kwaghyan la ga.+
28 Shi ve za a barli man toho sha ci u anyinya man anyinya a kpelan akeke hen hanma ijiir i i gbe u a za a mi cii, er i kaa ér hanma ve nana eren nahan.
29 Shi Aôndo na Solomon kwaghfan man mkav ngee kpishi, man ishima i kaven kwagh ngee kpishi, er waarawa u hen kpezegemnger nahan.+
30 Kwaghfan u Solomon hemba kwaghfan u ior mba sha ityoughkitaregh cii, man kwaghfan u Igipiti cii.+
31 Yange hemba fan kwagh a hanma orgen cii, hemba fan kwagh a Etan+ Oresera, man ônov mba Mahol, ka Heman+ man Kalkol+ kua Darada je la; iti na za gwa hen akuraior a a kase un la cii.+
32 Yange nger* anzaakaa 3,000,+ shi atsam a na+ lu 1,005.
33 Solomon yange a ôr kwagh u ikyon, hii sha sedar u ken Lebanon zan zan nyôr sha hisop,+ u ka a mende a lian sha kpekpe la; shi a ôr kwagh u annyamev+ man annyonov*+ man akaa a kpelan iyav inya+ man ankaam ma purugh kua ishu.
34 Ior mba ken akuraior cii ve va, ve va ungwa kwaghfan u Solomon, kua ator a sha tar cii, a yange ungwa kwagh u kwaghfan na la kpaa.+
Ngeren mba shin kpe
^ Shin “mbahemenev nav.”
^ Ka Uferati je la.
^ Koor môm yange a lu ulita 220. Nenge Ngeren u Seer u B14 la.
^ Ka shin ityôtar i Uferati je la.
^ I zua a ingyegh kin ken ngeren mba Bibilo mbagen man ken 2 Kroniku 9:25. Ngeren mba Bibilo mbagen yô, kaa ér 40,000.
^ Shin “mbahendananyinya.”
^ Shin “ôr.”
^ Shin “akaa a purugh.”
