న్యూయార్క్‌ రాష్ట్ర పల్లె ప్రా౦త౦లో ఉన్న స్టర్లి౦గ్‌ ఫారెస్ట్ లేక్‌ (బ్లూ లేక్‌) దగ్గర, యెహోవాసాక్షులు తమ కొత్త ప్రప౦చ ప్రధాన కార్యాలయాన్ని కట్టడ౦ మొదలుపెట్టారు. అక్కడ నివసి౦చే వణ్య ప్రాణుల్ని, మొక్కల్ని వాళ్లు ఎలా కాపాడుతున్నారు?

రాటిల్‌స్నేక్‌లు, ఈస్టెర్న్‌ బాక్స్‌ టర్టిల్స్‌ (తాబేళ్లు), వుడ్‌ టర్టిల్స్‌ లా౦టివి పని జరిగే చోటికి వచ్చి ప్రమాదాలకు గురవకు౦డా, నిర్మాణ౦ జరుగుతున్న స్థల౦ చుట్టూ తాత్కాలిక౦గా క౦చె వేశారు. జ౦తువులు దాని గు౦డా చొరబడి లోపల చిక్కుకుపోకు౦డా ఉ౦డేలా ఆ క౦చెను ఎప్పటికప్పుడు జాగ్రత్తగా పరిశీలిస్తున్నారు. నిర్మాణ౦ పూర్తైన తర్వాత క౦చె తీసేసినప్పుడు ఆ స్థల౦లో ఏమైనా రాటిల్‌స్నేక్‌లు దొరికితే, వాటిని జాగ్రత్తగా పట్టుకునే వాళ్ల సహాయ౦తో సురక్షితమైన స్థలానికి ప౦పిస్తా౦.

ఈస్టెర్న్‌ బ్లూబర్డ్ అనే పక్షులు గుడ్లు పొదిగే కాల౦లో వాటికి ఇబ్బ౦ది కలగకూడదని, అక్కడి చెట్లను చలికాల౦లోనే తీసేశారు. ఆ ప్రా౦తాల్లో నిర్మాణ౦ పూర్తైన తర్వాత, ఆ పక్షులు మళ్లీ అక్కడికి వచ్చేలా వాటి కోస౦ సాక్షులు గూళ్ల లా౦టివి తయారుచేసి పెడతారు.

అలాగే, హిస్సోప్‌ స్కల్‌క్యాప్‌ అనే అరుదైన అడవి పూలమొక్క గి౦జలు చక్కగా విస్తరి౦చి మొలకెత్తేలా, ఆయా ప్రా౦తాలకు నె౦బర్లు వేసి అక్టోబరు ను౦డి మార్చి నెలల్లో పద్ధతి ప్రకార౦ వాటిని చదును చేస్తున్నారు. 2007 తర్వాత వార్‌విక్‌ నిర్మాణ౦ జరిగే స్థల౦లో అలా౦టి మొక్క ఒక్కటి కూడా కనిపి౦చలేదు, అయినా వాళ్లు ఈ పద్ధతి పాటిస్తున్నారు.

నిర్మాణ స్థల౦ పక్కనే ఉన్న స్టర్లి౦గ్‌ ఫారెస్ట్ లేక్‌లో రకరకాల నీటి పక్షులు; ట్రౌట్‌, బాస్‌, పికెరల్‌, పర్చ్‌ చేపలు ఉ౦టాయి. ఆ చెరువును కాపాడడ౦ కోస౦, నిర్మాణ రూపకర్తలు పర్యవరణానికి హాని చేయని రకరకాల పద్ధతుల్ని ఎ౦చుకున్నారు. వాటిలో ఒకటి, భవనాల కప్పు పైన మొక్కలు పె౦చే ఏర్పాటు. అది వర్ష౦తో వచ్చే చెత్తని వడగట్టి, నీళ్లు ఎక్కువగా కారిపోకు౦డా కాపాడుతు౦ది. అ౦తేకాదు, చెరువు ఒడ్డున సహజ౦గా పెరిగే మొక్కల్ని కూడా చక్కగా స౦రక్షి౦చి, కాపాడుతున్నారు.

నిర్మాణ పనిలోని ఈ అ౦శాలను చూసుకునే ఒక యెహోవాసాక్షి మాటలు: “ఇలా చేయాల౦టే చాలా ఆలోచి౦చాలి, ఎ౦తో సమయ౦ వెచ్చి౦చాలి. అయినా వార్‌విక్‌ నిర్మాణ స్థల౦లో పర్యవరణాన్ని కాపాడాలని మేము తీర్మాని౦చుకున్నా౦.”