Di den Israelsma doro a Pramisi Kondre, a tabernakel tron a moro prenspari presi pe den ben e anbegi Yehovah. Den priester ben e leri a pipel den wet fu Yehovah èn den krutuman ben e tiri a pipel. Na ini a pisi disi wi o si taki den besroiti di wan sma e teki èn den sani di a e du kan abi krakti tapu trawan. Ibri Israelsma ben musu gi frantwortu na Yehovah èn na tra sma fu den sani di a e du. Luku fa Debora, Naomi, Hana, na umapkin fu Yefta nanga Samuel ben de wan moi eksempre gi den sma na ini a kontren pe den ben e libi. Yu o si taki srefi sma di no ben de fu Israel, soleki Rakab, Rut, Yael nanga den Gibeonsma besroiti fu teki a sei fu den Israelsma fu di den ben sabi taki Gado ben de nanga den.