Na ini a pisi disi wi o bigin taki fu sani di skrifi na ini den Kresten Griki Buku fu Bijbel. Yesus gebore na ini wan osofamiri di no ben gudu èn di ben e libi na ini wan pkin foto. A ben e wroko nanga en p’pa di ben de wan temreman. Na Yesus ben o ferlusu libisma. Yehovah poti en leki Kownu fu a Kownukondre na hemel. Efu yu abi pkin, dan yepi den fu ferstan taki Yehovah sorgu taki Yesus gro kon bigi na ini wan osofamiri di abi lobi èn di e anbegi Gado fayafaya. Wi o si fa Yehovah kibri Yesus so taki Herodes no kiri en èn wi o si taki noti no kan tapu Yehovah fu du san a wani. Wi o leri taki Yehovah gebroiki Yohanes fu sreka a pasi gi Yesus. Yepi yu pkin fu si taki  srefi di Yesus ben yongu, a ben lobi den koni rai di Yehovah ben e gi en.