Biginwortu fu pisi 4
A pisi disi e taki fu Yosef, Yob, Moses nanga den Israelsma. Didibri tyari furu problema kon gi den alamala. Sma du hati sani nanga den, den poti den na straf’oso, den meki den wroko leki srafu èn sonwan fu den lasi lobiwan na ini dede. Ma Yehovah kibri den na difrenti fasi. Efu yu na wan p’pa noso m’ma, dan yepi yu pkin fu ferstan fa den futuboi disi fu Yehovah tan abi wan tranga bribi aladi sma du ogri nanga den.
Yehovah tyari Tin Rampu kon fu sori taki a tranga moro ala den gado fu Egepte. Sori yu pkin fa Yehovah kibri en pipel na ini a ten di psa èn fa a e du dati na ini a ten disi.
NA INI A PISI DISI
LES 15
Noiti Yehovah fergiti Yosef
Aladi Yosef ben de fara fu en famiri, tòg Gado sori taki a ben de nanga en.
LES 17
Moses besroiti fu dini Yehovah
Di Moses ben de wan beibi a tan na libi fu di en ma ben kibri en.
LES 19
Den fosi dri rampu
Farao meki taki rampu miti a pipel fu en, fu di a ben abi heimemre. A no ben wani du san Gado taki.
LES 21
A di fu tin rampu
A rampu disi ben hebi so te taki a bigimemre Farao ben abi fu du san Gado taki.
LES 22
A wondru na Redi Se
Noti no psa nanga Farao di den tin rampu miti Egepte, ma a tan na libi di Gado meki a wondru disi psa?
