Dare reKuznetskiy District Court of Novokuznetsk rava pedyo kupa mutongo waro panyaya ine chekuita naHanzvadzi Tatyana Sushilnikova. Muchuchisi haasati ataura kuti anoda kuti vapiwe mutongo wakaita sei.

Kungofanana naTatyana, tinosimbiswa nemuenzaniso ‘wegore rezvapupu’ riri kutsungirira kutambudzwa richibatsirwa naJehovha.—VaHebheru 12:1.

1. 8 June 2021

   Mapurisa eFSB aiva nezvombo akapinda nechisimba mudzimba nhatu dzeZvapupu zvaJehovha munharaunda yeNovokuznetsk. Tatyana nemurume wake, Sergey, vakaita maawa matatu vachibvunzurudzwa

2. 20 June 2022

   Vakatanga kupomerwa mhosva yekutaura nevanhu zvinhu zvechitendero uye kupinda misangano

3. 22 July 2022

   Vakanzi vane mhosva

4. 27 September 2022

   Nyaya inotanga kupinda mudare. Mutongi akadzorera nyaya yacho kumuchuchisi nekuti nyaya yacho yakanga isina kubatwa zvakanaka

5. 16 November 2022

   Nyaya inopinda zvakare mudare