Yeremías 21:1-14
21 Yeremías a haña un mensahe di Yehova ora ku Rei Zedekías+ a manda Pasur,+ yu di Malkías, i Saserdote Sofonías,+ yu di Maseías, serka Yeremías ku un petishon. Esaki ta loke Rei Zedekías a pidi Yeremías:
2 “Por fabor, puntra Yehova kiko ta bai pasa ku nos, pasobra Rei Nabukodónosor* di Babilonia ta bringando kontra nos.+ Podisé Yehova lo hasi algu ekstraordinario pa nos manera el a yega di hasi den pasado i asina obligá Rei Nabukodónosor bai for di nos.”+
3 Yeremías a kontestá nan: “Esaki ta loke boso mester bisa Zedekías:
4 ‘Esaki ta loke Yehova, Dios di Israel, ta bisa: “Mi ta bai pone ku e armanan di guera ku boso tin den boso man lo bira kontra boso mes,* sí, e armanan ku boso ta usa pa bringa kontra rei di Babilonia+ i kontra e kaldeonan ku ta pafó di muraya i ku tin boso rondoná. Lo mi kolektá boso armanan* i trese nan tur meimei di e stat akí.
5 Ami mes lo bringa kontra boso+ ku mi man fuerte i ku mi gran poder, ku masha rabia, furia i indignashon.+
6 Lo mi mata e habitantenan di e stat akí, tantu hende komo bestia. Nan lo muri di un epidemia* teribel.”+
7 Esaki ta loke Yehova ta bisa: “Despues di esei, wak kiko ta bai pasa ku Rei Zedekías di Huda, ku su sirbidónan i ku tur hende di e stat akí ku no muri di epidemia, di spada i di hamber: Mi ta bai entregá nan den man di Rei Nabukodónosor di Babilonia, den man di nan enemigunan i den man di e hendenan ku ta buska nan pa mata.*+ Lo e mata nan ku spada. Lo e no sinti duele di nan ni tene kompashon ku nan ni tene miserikòrdia di nan.”’+
8 I bo tin ku bisa e pueblo akí: ‘Esaki ta loke Yehova ta bisa: “Mi ta duna boso chèns di skohe entre e kaminda ku ta hiba na bida i e kaminda ku ta hiba na morto.
9 E hendenan ku keda den e stat akí lo muri pa medio di spada, di hamber i di epidemia. Pero ken ku sali i entregá su mes na e kaldeonan ku tin boso rondoná lo keda na bida. Lo e haña su bida* komo rekompensa.”*+
10 Yehova ta bisa: “Mi a rechasá* e stat akí, i lo e eksperensiá kalamidat so, nada bon.+ E stat akí lo ser entregá den man di rei di Babilonia,+ i lo e kim’é kompletamente.”+
11 Anto abo, rei di Huda, i tur hende ku ta biba den bo palasio: Tende e palabranan di Yehova.
12 Boso ku ta desendiente di David, esaki ta loke Yehova ta bisa:“Tur mainta, dikta sentensia hustui libra hende ku ta ser hòrtá for di man di estafadó.+Si boso no hasi esei, mi furia lo sende manera kandela.+I debí na e kosnan malu ku boso ta hasi,mi furia lo keda kima sin ku tin hende pa pag’é.”’+
13 Esaki ta loke Yehova ta bisa: ‘Habitantenan di vaye,* boso ku ta biba den e stat situá riba baranka,lo mi bringa kontra boso.Boso ku ta bisa: “Ken lo baha bini kontra nos?I ken lo invadí nos kasnan?” Wèl, sa esaki:
14 Lo mi kastigá boso pa boso echonan,manera boso meresé.’+ Esei ta loke Yehova ta bisa.‘Lo mi pega boso mondi na kandela,i e kandela ei lo kaba ku tur loke tin rònt di boso.’”+
Nota
^ Lit.: “Nabukodórosor.” Un otro manera pa skirbi e nòmber ei.
^ Òf: “lo bira den direkshon kontrario.”
^ Òf posiblemente: “Lo mi reuní e hendenan ei.”
^ Òf: “malesa.”
^ Òf: “buska nan alma.”
^ Òf: “alma.”
^ Òf: “Lo e skapa ku su bida.” Lit.: “Lo e tin su bida komo botin.”
^ Lit.: “Mi a pone mi kara kontra.”
