സങ്കീർത്തനം 103:1-22
ദാവീദിന്റേത്‌.
103 ഞാൻ യഹോവയെ സ്‌തുതിക്കട്ടെ;എന്നുള്ളം മുഴുവൻ വിശുദ്ധമായ തിരുനാമം വാഴ്‌ത്തട്ടെ.
2 ഞാൻ യഹോവയെ സ്‌തുതിക്കട്ടെ;ദൈവം ചെയ്‌തതൊന്നും ഞാൻ ഒരിക്കലും മറക്കാതിരിക്കട്ടെ.+
3 ദൈവം നിന്റെ തെറ്റുകളെല്ലാം ക്ഷമിക്കുന്നു,+നിന്റെ അസുഖങ്ങളെല്ലാം ഭേദമാക്കുന്നു;+
4 ദൈവം നിന്റെ ജീവൻ കുഴിയിൽനിന്ന്‌* തിരികെ വാങ്ങുന്നു;+തന്റെ അചഞ്ചലമായ സ്‌നേഹവും കരുണയും നിന്റെ കിരീടമാക്കുന്നു.+
5 നീ കഴുകനെപ്പോലെ ചെറുപ്പത്തിലേക്കു മടങ്ങിവരേണ്ടതിന്‌+ജീവിതകാലം മുഴുവൻ നല്ല കാര്യങ്ങളാൽ നിന്നെ തൃപ്‌തനാക്കുന്നു.+
6 അടിച്ചമർത്തപ്പെട്ട സകലർക്കുംവേണ്ടി+യഹോവ നീതിയോടെയും ന്യായത്തോടെയും പ്രവർത്തിക്കുന്നു.+
7 ദൈവം തന്റെ വഴികൾ മോശയെ അറിയിച്ചു,+തന്റെ പ്രവൃത്തികൾ ഇസ്രായേൽമക്കളെയും.+
8 യഹോവ കരുണാമയനും അനുകമ്പയുള്ളവനും*+പെട്ടെന്നു കോപിക്കാത്തവനും അചഞ്ചലസ്‌നേഹം നിറഞ്ഞവനും.+
9 ദൈവം എപ്പോഴും കുറ്റം കണ്ടുപിടിക്കാൻ നോക്കുന്നില്ല;+എന്നെന്നും നീരസം വെച്ചുകൊണ്ടിരിക്കുന്നുമില്ല.+
10 ദൈവം നമ്മുടെ പാപങ്ങൾക്കനുസൃതമായി നമ്മോടു പെരുമാറിയിട്ടില്ല;+തെറ്റുകൾക്കനുസരിച്ച്‌ നമ്മോടു പകരം ചെയ്‌തിട്ടുമില്ല.+
11 ആകാശം ഭൂമിയെക്കാൾ എത്ര ഉയരത്തിലാണോഅത്ര വലുതാണു തന്നെ ഭയപ്പെടുന്നവരോടുള്ള ദൈവത്തിന്റെ അചഞ്ചലമായ സ്‌നേഹം.+
12 സൂര്യോദയം സൂര്യാസ്‌തമയത്തിൽനിന്ന്‌ എത്ര അകലെയാണോഅത്ര അകലേക്കു ദൈവം നമ്മുടെ ലംഘനങ്ങളെ നമ്മിൽനിന്ന്‌ അകറ്റിയിരിക്കുന്നു.+
13 ഒരു അപ്പൻ മക്കളോടു കരുണ കാണിക്കുന്നതുപോലെയഹോവ തന്നെ ഭയപ്പെടുന്നവരോടു കരുണ കാണിച്ചിരിക്കുന്നു.+
14 കാരണം, നമ്മെ ഉണ്ടാക്കിയിരിക്കുന്നത്‌ എങ്ങനെയെന്നു ദൈവത്തിനു നന്നായി അറിയാം;+നാം പൊടിയെന്നു ദൈവം ഓർക്കുന്നു.+
15 മർത്യന്റെ ആയുസ്സ്‌ ഒരു പുൽക്കൊടിയുടേതുപോലെ;+അവൻ വയലിൽ വിരിയുന്ന പൂപോലെ.+
16 പക്ഷേ, കാറ്റ്‌ അടിച്ചപ്പോൾ അതു പൊയ്‌പോയി;അത്‌ അവിടെ ഉണ്ടായിരുന്നെന്നുപോലും തോന്നില്ല.*
17 എന്നാൽ, തന്നെ ഭയപ്പെടുന്നവരോടുള്ള+യഹോവയുടെ അചഞ്ചലമായ സ്‌നേഹം എന്നേക്കുമുള്ളത്‌.*അവരുടെ മക്കളുടെ മക്കളോടും+
18 തന്റെ ഉടമ്പടി പാലിക്കുന്നവരോടും+നിഷ്‌ഠയോടെ തന്റെ കല്‌പനകൾ അനുസരിക്കുന്നവരോടുംദൈവം എന്നെന്നും നീതി കാണിക്കും.
19 യഹോവ സ്വർഗത്തിൽ തന്റെ സിംഹാസനം സുസ്ഥിരമായി സ്ഥാപിച്ചിരിക്കുന്നു;+എല്ലാം ദൈവത്തിന്റെ രാജഭരണത്തിൻകീഴിലാണ്‌.+
20 ദൈവത്തിന്റെ വാക്കു കേട്ടനുസരിച്ച്‌* ദിവ്യാജ്ഞകൾ നടപ്പിലാക്കുന്ന,+അതിശക്തരായ ദൂതന്മാരേ,+ നിങ്ങളേവരും യഹോവയെ സ്‌തുതിപ്പിൻ.
21 ദൈവേഷ്ടം ചെയ്യുന്ന ദൈവശുശ്രൂഷകരുടെ സൈന്യമേ,+നിങ്ങളേവരും യഹോവയെ സ്‌തുതിപ്പിൻ.
22 ദൈവത്തിന്റെ വാഴ്‌ചയിൻകീഴിലെ* സകല സൃഷ്ടികളുമേ,യഹോവയെ വാഴ്‌ത്തുവിൻ.
എന്റെ മുഴുദേഹിയും യഹോവയെ സ്‌തുതിക്കട്ടെ.
അടിക്കുറിപ്പുകള്‍
^ അഥവാ “ശവക്കുഴിയിൽനിന്ന്‌.”
^ അഥവാ “കൃപയുള്ളവനും.”
^ അക്ഷ. “അതു നിന്നിരുന്ന ഇടം മേലാൽ അതിനെ ഓർക്കുന്നില്ല.”
^ അഥവാ “അനാദികാലംമുതൽ അനന്തകാലംവരെയുള്ളത്‌.”
^ അക്ഷ. “അവന്റെ വാക്കിന്റെ സ്വരം (ശബ്ദം) കേട്ട്‌.”
^ അഥവാ “പരമാധികാരത്തിൻകീഴിലുള്ള എല്ലാ സ്ഥലങ്ങളിലെയും.”