Hijery ny anatiny

Ho any amin'ny fizarana anatiny

Ho any amin'ny loha hevitra

Vavolombelon’i Jehovah

Malagasy

NY TILIKAMBO FIAMBENANA OKTOBRA 2012

 Ho An’ny Ankizy sy ny Tanora

Aza Manambony Tena!

Aza Manambony Tena!

Toromarika: Tsara raha amin’ny toerana mangina ianao no mamaky ny andinin-teny eto ambany. Alao sary an-tsaina ilay tantara. Ataovy toy ny hoe teo mihitsy ianao, ka renao ny feo manodidina sy ny olona miteny, ary tsapanao ny fihetseham-pon’ireo olona asongadina ao.

Mpandray anjara: Davida, Absaloma, Joaba

Famintinana: Te haka an-keriny ny fanjakan’ny dadany i Absaloma.

ALAO SARY AN-TSAINA ILAY TANTARA.VAKIO NY 2 SAMOELA 14:25-33; 15:1-17; 18:9-17, 30-33.

Mety ho hoatran’ny ahoana ny paozin’i Absaloma, araka ny hevitrao? (Vakio indray ny 2 Samoela 14:25, 26.)

Niezaka nambabo ny fon’ireo olona saika ho any amin’ny mpanjaka i Absaloma. Mety ho nanao ahoana ny fihetsiny sy ny feony tamin’izany? (Vakio indray ny 2 Samoela 15:2-6.)

Inona ny toetran’i Absaloma hitanao rehefa mamaky ny 2 Samoela 14:28-30 ianao?

FAKAFAKAO ILAY TANTARA.

Inona no nataon’i Absaloma mba hakana an-keriny ny fanjakan’ny dadany? (Vakio ny 2 Samoela 13:28, 29. I Amnona no zanaka lahimatoan’i Davida ka izy no tokony ho mpanjaka handimby azy.)

Marina fa nanambony tena sy naniry laza i Absaloma. Raha jerena anefa ny fomba nandevenana azy, dia ahoana no tena fiheveran’ny olona azy? (Vakio indray ny 2 Samoela 18:17.)

Inona no mety ho nahatonga an’i Absaloma hanambony tena, araka ny hevitrao? (Ampitahao amin’izay voalazan’ny 3 Jaona 9, 10 momba an’i Diotrefa.)

 Nanao ahoana ny fihetseham-pon’i Davida rehefa naka an-keriny ny fanjakany i Absaloma? (Vakio ny Salamo 3, izay nosoratan’i Davida rehefa namadika azy i Absaloma.)

AMPIHARO IZAY NIANARANAO. SORATY ETO IZAY NIANARANAO MOMBA AN’IRETO:

Inona ny vokany raha manambony tena isika?

Nahoana ny zavatra ataontsika no mety hampalahelo ny hafa, anisan’izany ny ray aman-drenintsika?

FAMPIHARANA HAFA.

Inona no mety hahatonga anao hanambony tena?

Inona no mety hanampy anao tsy hirehareha tafahoatra?

INONA NO HITANAO HOE TENA MAHASOA ANAO AMIN’IO TANTARA IO? NAHOANA?

Soso-kevitra: Eritrereto hoe inona no mety ho nitranga raha tsy nanambony tena i Absaloma, fa nanetry tena.—Ohabolana 18:12.