Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

NY TILIKAMBO FIAMBENANA OKTOBRA 2012

 Ianaro ny Tenin’Andriamanitra

Afaka ny ho Velona Mandrakizay ve Ianao?

Afaka ny ho Velona Mandrakizay ve Ianao?

Hodinihina ato amin’ity lahatsoratra ity ny fanontaniana mety ho napetrakao. Ho hitanao ato hoe aiza ao amin’ny Baiboly ny valin’izany. Ho faly ny Vavolombelon’i Jehovah hiara-midinika aminao momba izany.

1. Nahoana no toa fohy kely ny androm-piainantsika?

Velona 150 taona ny sokatra sasany ary 3 000 taona ny hazo sasany. Fohy kely ny androm-piainan’ny olombelona raha ampitahaina amin’izany. Tsara lavitra noho ny an’ny sokatra sy hazo anefa ny fiainantsika. Noforonin’i Jehovah Andriamanitra ho afaka hankafy mozika mantsy isika, hanao spaoro, hisakafo, hianatra, hitsangantsangana, ary hifanerasera amin’ny olona. Noforonin’Andriamanitra haniry ho velona mandrakizay isika.—Vakio ny Mpitoriteny 3:11.

2. Afaka ny ho velona mandrakizay tokoa ve isika?

Tsy ho faty mihitsy i Jehovah fa velona mandrakizay. Izy no Loharanon’aina ka afaka manome fiainana mandrakizay ny olona. (Salamo 36:9; Habakoka 1:12) Izany mihitsy no ampanantenainy an’izay mankatò azy. Tsy hihantitra intsony ny olona amin’izany, fa hataony mihatanora indray ka ho salama tsara foana.—Vakio ny Joba 33:24, 25; Isaia 25:8; 33:24.

Nanao fahagagana i Jesosy mba hampisehoana fa azo antoka izany fampanantenan’Andriamanitra izany. Nanasitrana karazan’aretina maro, ohatra, izy ary nanangana ny maty mihitsy aza.—Vakio ny Lioka 7:11-15, 18, 19, 22.

 3. Rahoviana isika vao ho velona mandrakizay?

Tsy amin’izao andro feno fijaliana sy herisetra izao isika no tian’Andriamanitra hiaina mandrakizay, fa rehefa lasa paradisa ny tany. Tiany hiadana mantsy isika. (Salamo 37:9, 29; Isaia 65:21, 22) Olona an-tapitrisany koa no hatsangany amin’ny maty amin’izay. Hiaina mandrakizay izy ireo raha mifidy ny hanompo an’Andriamanitra sy hankatò azy.—Vakio ny Lioka 23:42, 43; Jaona 5:28, 29.

4. Inona no tokony hataontsika raha te ho velona mandrakizay isika?

Handray soa ianao raha miezaka hahalala an’Andriamanitra

Andriamanitra ihany no afaka manome fiainana mandrakizay antsika. Tokony hiezaka hahalala azy àry isika ka hifandray kokoa aminy. Oharin’ny Baiboly amin’ny hoe misakafo ny hoe mianatra momba azy. (Matio 4:4) Mahafinaritra ny misakafo, saingy mila miezaka ianao vao mahazo sakafo sy mahavita mikarakara izany. Toy izany koa fa mila ezaka ny mianatra momba an’Andriamanitra. Tsy misy mahasoa kokoa noho ny hoe mifandray aminy sy mahazo fiainana mandrakizay anefa.—Vakio ny Lioka 13:23, 24; Jaona 6:27; 17:3.

Fanampim-panazavana

Inona no Fikasan’Andriamanitra Momba ny Tany?

Ho tanteraka ve ny fikasan’Andriamanitra hanova ny tany ho paradisa? Raha eny, dia rahoviana?