Salamo 3:1-8
Hiran’i Davida tamin’izy nandositra an’i Absaloma zanany.+
3 Jehovah ô, nahoana no lasa be dia be toy izao ny fahavaloko?+
Nahoana no maro be no mitsangana hanohitra ahy?+
2 Betsaka no milaza momba ahy hoe:
“Tsy hovonjen’Andriamanitra izy.”+ (Sela)*
3 Ianao anefa no ampinga manodidina ahy, Jehovah ô,+Ianao no voninahitro,+ ary Ianao no mampitraka ny lohako.+
4 Hiantso mafy an’i Jehovah aho,Dia hamaly ahy avy any an-tendrombohiny masina+ izy. (Sela)
5 Hitsotsotra aho ka hatory,Ary hifoha sady tsy hanana ahiahy,Satria manohana ahy foana i Jehovah.+
6 Tsy atahorako ny olona an’alinaliny,Izay milahatra manodidina ahy mba hamely ahy.+
7 Mitsangàna, Jehovah ô! Vonjeo aho,+ ry Andriamanitro ô!
Fa hamely an’ireo fahavaloko rehetra eo amin’ny valanoranony ianao;Hotapatapahinao ny nifin’ny ratsy fanahy.+
8 Avy amin’i Jehovah ny famonjena.+
Mitahy ny vahoakanao ianao. (Sela)
