Nahum 3:1-19
3 Yaye, nobed malit ne dala mohero chuero remo!
Opong’ gi miriambo gi mecho.
Kinde duto en gi le michamo!
2 Del michwadogo farese ywak, kendo tiend geche yiengo piny,Tiend farese diko piny kendo geche lweny chikore.
3 Joidh farese, ligangla ma wirore, kod tong’ ma nyilni,Oganda mar jo motho kod pidhe mag ringre jo motho—Okalo akwana.
Gisiko gichwanyore kuom ringre jo motho.
4 Mago duto timore nikech timbene mag chode,En dhako ma jaber to opong’ gi timbe juok,Oyondho ogendni gi timbene mag chode kendo dhoudi gi timbene mag juok.
5 “Ne! Amon kodi,”* Jehova Nyasach oganda lweny+ owacho,“Abiro elo lawi nyaka e wang’i;Abiro miyo ogendni one dugi,Kendo pinjeruodhi none wich-kuotni.
6 Abiro wito kuomi gik modwanyoreAbiro loki gimoro nono;Abiro miyo ji ojari ka gineni.+
7 Ng’ato ang’ata moneni, biro ringi+ ka wacho ni,‘Nineve osedong’ gunda!
Ng’ano ma biro ywage?’
Ere ka ma abiro yudoe jo ma dihoye?
8 Iparo ni iber moloyo No-amon,*+ dala man but aoche matindo mag Nael?+
Pi nolwore koni gi koni;Nam e ma ne en mwandune kod ohingane.
9 Nogolo tekone mang’eny kuom Ethiopia kod Misri.
Put+ gi Jo-Libya e ma ne konye.+
10 To pod nomake;Ne otere e tuech.+
Nyithinde bende ne okidh matindo tindo e nderni duto.
Ne gigoyo ombulu ne joge ma ne omi luorKendo joge duto ma nigi duong’ osetue gi nyoroche.
11 In bende ibiro mer;+Ibiro dhi pondo.
Ibiro manyo kar bwok nikech jasiki.
12 Uteni mochiel motegno chalo gi ng’ope mokwongo chiek e yien;Ka po ni oyienggi, gibiro lwar e dho wasiki.
13 Ne! Jolwenji chalo mana ka mon.
Dho rangeye mag pinyi biro yawore malach ne wasiki.
Mach biro wang’o sirni mag rangeyeni.
14 Tuomuru pi nikech ibiro monju!+
Teguru kuondeu ma upondoe.
Ridreuru kuonde ma inyonoe lowo mondo unyon lowo;Kawuru gik loso matafari.
15 Kata mana kuno, mach biro wang’oue.
Ligangla biro tiekou.+
Obiro tiekou mana kaka nyithi det-bonyo timoga.+
Medreuru ubed mang’eny mana ka nyithi det-bonyo!
Ee, medreuru ubed mang’eny ka det-bonyo!
16 Usemedo jolok ohandu mi gibedo mang’eny moloyo sulwe.
Nyithi det-bonyo roch kae to giringo chuth.
17 Jorit magi chalo gi det-bonyo,Kendo jogi madongo chalo gi det-bonyo mang’eny.
Ka piny ng’ich, gichokore e kite molosgo chiel,To ka chieng’ owuok, gifuyo;Kendo onge ng’at mong’eyo ka ma gidhiye.
18 Yaye ruodh Asuria, jokwath magi nur;Jotendi obet mana e utegi.
Jogi okere e gode,Kendo onge ng’at ma chokogi kanyachiel.+
19 Onge ng’at ma biro resi e masirani.
Adholani ok nyal chango.
Ng’ato ang’ata ma biro winjo gima oyudi, biro pamo lwetene;+Be nitie ng’ato ang’ata ma ne ok isando?”+
