Joshua 13:1-33
13 Koro Joshua nosebedo jaduong’ kendo hike ne ng’eny,+ mi Jehova nowachone niya: “Isebedo jaduong’ kendo hiki ng’eny, to piny ma pok okaw pod duong’.
2 Piny ma pok okaw e ma:+ piny Jo-Filistia kod piny Jo-Geshur+
3 (chakre e aora matin mar Nael man yo wuok chieng’ mar piny Misri, nyaka e kiewo mar Ekron gi yo nyandwat, ma chon ne ikwano kaka piny Jo-Kanaan)+ moriwo nyaka pinjeruodhi abich mag Jo-Filistia.+ Ma gin ruodhi mag Jo-Gaza, Jo-Ashdod,+ Jo-Ashkelon,+ Jo-Gath,+ kod Jo-Ekron;+ piny Avim+
4 man yo milambo; gi pinje duto mag Jo-Kanaan; piny Meara, ma en piny Jo-Sidon,+ nyaka Afek mokiewo gi Jo-Amor;
5 piny Jo-Gebal,+ to gi yo wuok chieng’, piny Lebanon, chakre Baal-gad man e tiend Got Hermon nyaka Lebo-hamath;*+
6 gi piny Jo-Sidon+ modak e pinje motimo gode chakre Lebanon,+ nyaka Misrefoth-maim.+ Abiro riembo ji duto modak kuondego ne Jo-Israel.+ In ibiro mana pogo pinyno ne Jo-Israel mana kaka asechiki.+
7 Omiyo, ibiro pogo pinyno ne dhoudi ochiko modong’ kaachiel gi nus dhood Manase.”+
8 To nus dhood Manase machielo, kaachiel gi Jo-Reuben, gi Jo-Gad ne okawo piny ma ne Musa omiyogi yo wuok chieng’ mar Jordan, ne gikawo pinyno mana kaka Musa jatich Jehova ne opogonegi:+
9 Pinyno ne chakore Aroer+ man e lak Aora Arnon,+ kaachiel gi dala maduong’ man e diere, gi piny gode motarore mag Medeba nyaka chop Dibon;
10 Ne gikawo mier mag Jo-Amor ma ne ruoth Sihon lochoe, ruodhno ne locho chakre Heshbon nyaka tong’ mar piny Jo-Amon;+
11 Bende, ne gikawo piny Gilead, gi piny Jo-Geshur kod piny Jo-Maakath+ gi Got Hermon duto, gi piny Bashan duto+ nyaka chop Saleka;+
12 gi piny duto man Bashan ma Og ne lochoe, ne olocho Ashtaroth kod Edrei. (Ne en achiel kuom Ja-Refaim mogik.)+ Musa noloyogi moriembogi.+
13 Kata kamano, Jo-Israel ne ok oriembo+ Jo-Geshur kod Jo-Maakath, kendo mano e momiyo Jo-Geshur kod Jo-Maakath odak e kind Jo-Israel nyaka kawuononi.
14 Dhood Jo-Lawi kende e ma Musa ne ok opogonegi lowo.+ Nimar gin pokgi en misengni miwang’o e mach ne Jehova Nyasach Israel,+ mana kaka nosesingonegi.+
15 Eka Musa nopogo ne dhood Jo-Reuben lowo kaluwore gi anyuolagi,
16 pinygi ne chakore Aroer man e lak Aora Arnon, nyaka dala man e diere, gi piny gode motarore man but Medeba;
17 gi Heshbon gi taondene+ duto man e piny gode motarore, gi Dibon, gi Bamoth-baal, gi Beth-baal-meon,+
18 gi Jahaz,+ gi Kedemoth,+ gi Mefaath,+
19 gi Kiriathaim, gi Sibma,+ kod Zereth-shahar manie got man e but pap,
20 gi Beth-peor, gi tiend gode mag Pisga,+ gi Beth-jeshimoth,+
21 gi mier duto manie piny gode motarore, gi piny duto ma Sihon ruodh Jo-Amor ne lochoe ka en Heshbon.+ Musa ne oloye+ kaachiel gi jotend Jo-Midian miluongo ni, Evi, Rekem, Zur, Hur, kod Reba,+ ne gin ruodhi modak e pinyno kendo ne gilocho e bwo Sihon.
22 Balaam+ wuod Beor, kendo ma ne en jakor wach,+ ne en achiel kuom jo ma Jo-Israel ne onego gi ligangla.
23 Tong’ mar Jo-Reuben ne en Aora Jordan; kendo pinyno kod mier gi gwenge molworogi e ma Jo-dhood Reuben ne odakie.
24 E wi mano, Musa ne omiyo Jo-Gad lowo kaluwore gi dhoutgi.
25 Pinygi ne okwako Jazer,+ gi mier duto mag Gilead, kod nus piny Jo-Amon,+ nyaka Aroer momanyore gi Raba;+
26 kendo chakre Heshbon+ nyaka Ramath-mizpe kod Betonim, kendo wuok Mahanaim+ nyaka tong’ mar Debir;
27 kod pap, gi Beth-haran, gi Beth-nimra,+ gi Sukoth+ kod Zafon, gi pinje mamoko duto ma ne nie bwo Sihon ruodh Heshbon,+ ne okwako yo wuok chieng duto mar Aora Jordan nyaka Nam Kinereth.+
28 Pinyno kaachiel gi mieche kod gwenge molworogi ne omi Jo-Gad. Ne opoggi pinyno kaluwore gi dhoutgi.
29 Eka Musa ne opogo ne nus dhood Manase lopgi kaluwore gi dhoutgi.+
30 Pinygi ne chakore Mahanaim+ mokwako piny Bashan duto, piny duto ma ne Og ruodh Bashan lochoe, gi gwenge hema duto mag Jair+ man Bashan, kod taonde 60.
31 Nus Gilead, gi Ashtaroth kod Edrei,+ ma ne gin mier ma Og ruodh Bashan ne lochoe, ne opogne anyuola mar Makir+ wuod Manase, ne opog lowono ne nus mar anyuola mar Makir kaluwore gi dhoutgi.
32 Mago e pinje ma Musa ne opogonegi ka gin e thim mar Moab loka Aora Jordan yo wuok chieng’ mar Jeriko.+
33 Kata kamano, Musa ne ok omiyo Jo-Lawi pok.+ Jehova Nyasach Israel e pokgi mana kaka ne osesingonegi.+
Weche Moler Piny
^ Kata, “ka ma idonjogo Hamath.”
