Amos 5:1-27
5 “Yaye Jo-Israel, winjuru wer ma aywagougo:
2 Israel nyako ma silili osepodho;Ok onyal chung’ kendo.
Osejwang’e e pinye owuon;Onge ng’at ma dichunge.’
3 “Nimar ma e gima Jehova Wuon Loch Duto owacho:
‘Dala ma ji aluf achiel owuokie, ji mia achiel e ma biro dong’ie;Kendo ng’at ma owuok oko gi ji mia achiel, biro dong’ gi ji apar, kuom dhood Israel.’+
4 “Nimar ma e gima Jehova owacho ne Jo-Israel:
‘Manyauru mi unubed mangima.+
5 Kik umany Bethel,+Kik udhi Gilgal+ kata kalo nyaka Beer-sheba,+Nikech ibiro ter Gilgal e tuech,+To Bethel biro lal nono.*
6 Manyuru Jehova mondo ubed mangima,+Mondo kik omuoch kaka mach kuom joka Josef,Mi owang’ Bethel gi mach ma onge ng’at ma dineg.
7 Uloko bura makare mi bed yath makech,Kendo uwito timbe makare piny.+
8 Jal ma nochueyo dag sulwe miluongo ni Kima* kod Kesil,*+Jal ma loko mudho mandiwa ma bed mana ka ler mokinyi,Jal ma miyo odiechieng’ bedo gi mudho kaka otieno,+Jal ma luongo pige mag namMondo opukgi e wi piny+—Jehova e nyinge.
9 Obiro kelo kethruok maduong’ kuonde motegno,Kokelo kethruok kuonde mochiel motegno.
10 Gisin gi jo ma chiwo siem e ranga dala,Gichayo jo ma wacho adiera.+
11 To nikech ukawo osuru e puoth jachanKendo ukawo chambe kaka chudou,+Ok ubi dak e uteu ma usegero gi kite mopa,+Kendo ok ubi madho divai mag puotheu mabeyo mag mzabibu.+
12 Nimar ang’eyo kaka richou ng’enyKendo kaka gidongo—Usando jo makare,Ukawo asoya,Kendo uketho buch jochan e dho ranga dala.+
13 E momiyo jo mariek biro ling’ thi e kindeno,Nimar enobed kinde masira.+
14 Manyuru gima ber to ok gima rach,+Mondo ubed mangima.+
Eka Jehova Nyasach oganda lweny nobed kodu,Mana kaka uparono.+
15 Sinuru gi gik maricho, heruru gik mabeyo,+Ng’aduru bura kare e dho ranga dala.+
Di po ka Jehova Nyasach oganda lwenyOkecho joka Josef+ modong’.’
16 “Ma e gima Jehova Nyasach oganda lweny owacho:
‘Ywak nobedie e laru duto,Gibiro ywak e nderni duto ni, “Yaye, yaye!”
Gibiro luongo jopur mondo obi oywagiGibiro luongo joywak michulo mondo obi ogo nduru,’ Jehova owacho.
17 ‘Nduru biro winjore e puothe duto mag mzabibu;+Nimar abiro kalo e dieru,’ Jehova owacho.
18 ‘Yaye, nobed malit ne jo ma gombo odiechieng Jehova!+
Uparo ni odiechieng Jehova biro bedonu ma chalo nade?+
Enobed mudho, to ok ler.+
19 Obiro chalo mana ka ng’at ma ringo sibuor to oromo gi dubu,Kendo ka odonjo e ode mi oyiengo lwete e kor ot, to thuol kaye.
20 Donge odiechieng Jehova nobed mudho to ok ler, koso?
Donge enobed mudho mandiwa, to ok ler, koso?
21 Achayo kendo asin gi sewni magu,+Ok amor gi suya mag misengni muchiwo e chokruogeu mowal.
22 Kata ka uchiwona misengni miwang’o kod mich,Ok abi yie kodgi;+Ok abi yie gi jamni machwe muchiwo kaka misengni mag kuwe.+
23 Weuru goyona koko gi wendeu;Ok adwar winjo thum ma ugoyo gi gige thum ma nigi tonde migwelo.+
24 Mad bura makare omol ka pi,+Kendo tim makare ka aora ma ok duon.
25 Yaye Jo-Israel, be ne uchiwona misengni kod mich mamokoKuom higni 40 ma ne un e thim?+
26 Koro ubiro ting’o Sakuth ma ruodhu kod Kaiwan,*Sanamu magu, sulwe mar nyasachu ma ne uloso uwegi,
27 Kendo abiro terou e tuech e piny man ku mabor gi Damaski,’+ jal ma nyinge Jehova Nyasach oganda lweny owacho.”+
Weche Moler Piny
^ Kata nyalo bedo, “biro lokore gimoro nono.”
^ Nyalo bedo ni ma en dag sulwe miluongo ni Orion.
^ Nyalo bedo ni magi gin sulwe miluongo ni Pleiades e dho kisungu, kendo giyudore e dag sulwe miluongo ni Taurus.
^ Nyalo bedo ni nyiseche ariyogi itiyogo kiwuoyo kuom planet moro miluongo ni Saturn ma ne ilamo.
