Sakaria 9:1-17
9 Eshiivifo:
“Ondjovo yaJehova oi li omhinge nedu laHadrak,Na Damaskus oshishonekwa shalo,*+Osheshi eisho laJehova ola tala ovanhu+Nosho yo komapata aeshe aIsrael,
2 Noli li omhinge naHamat,+ osho shi li peengaba daye,Noli li omhinge naTirus+ nosho yo Sidon,+ osheshi vo ovanaendunge elela.+
3 Tirus okwe litungila ekondeka londuba yomadu.*
Okwe lindubila oshisilveri ngaashi ondwi,Noshingoli ngaashi ekako lomomapandavanda.+
4 Tala! Jehova ota ka kufa po emona laye,Nota ka dipaela etangakwaita laye mefuta;*+Nota ka lungwinifwa po momundilo.+
5 Askelon ote ke shi mona, nota ka tila;Gasa ota ka kala e udite ouyehame neenghono,Na Ekron ota ka fya ohoni, molwaashi osho a li a teelela inashi wanifwa.
MuGasa itamu ka kala vali ohamba,Na Askelon itashi ka kalwa.+
6 Omumati omunailongo ota ka kala ha di muAsdod,Nohandi ka hanauna po etumba lOvafilisti.+
7 Ohandi ka kufa oinima oyo ya ningilwa ohonde, okudja mokanya kayeNosho yo oinima itondifa, oyo i li pokati komayoo aye,Nota ka fiwa po, a kale waKalunga ketu;Nota ka kala ngaashi elenga* muJuda,+Na Ekron ngaashi Ovajebusi.+
8 Ohandi ka onga onhanda ndi li omwaameni* weumbo lange,+Opo paha kale nande oumwe ta piti mo nosho yo ta alukile mo;Nokape na omuyandji woilonga* ta ka pita mo vali,+Osheshi paife, onde shi* mona nomesho ange.
9 Ove, omonakadona waSion, nyakukwa pombada.
Ove, omonakadona waJerusalem, ingida nehafo.
Tala! Ohamba yoye otai uya kwoove.+
Oiyuki, tai eta exupifo,*Ye lininipika+ noya londa kondongi,Kokandongi* ka dalwa kondongi yonghadi.+
10 Ohandi ka kufa po etemba loita muEfraimNosho yo onghambe muJerusalem.
Outa womolwoodi otau ka kufwa po.
Nota ka shiivifa ombili koiwana;+Epangelo laye otali ka kala okudja kefuta fiyo okefuta,Nokudja kOmulonga* fiyo okominghulo dedu.+
11 Ashike ove, akutu omukainhu, omolwohonde yehangano loye,Ohandi ka kufa mo ovanadolongo voye melambo lihe na omeva.+
12 Shuneni keehotengulu deni, nye ovanadolongo ovo mu na eteelelo.+
Nena ohandi ku lombwele,‘Ove omukainhu, ohandi ke ku pa oitukulwa ivali.+
13 Osheshi ohandi ka lukila* Juda onga outa wange.
Outa ohandi ke u yadeka naEfraim,*Nohandi ka pendula ovanamati voye, ove Sion,Ndi li omhinge novanamati voye, ove Greka,Nohandi ke ku ninga ngaashi eonga lomukwaita.’
14 Jehova ote ke limonikila muvo,Noshikuti shaye otashi ka dja mo ngaashi okashelu.
Omwene Omunamapangelo aeshe, Jehova, ota ka shika enghuma,+Nota ka tetekelwa koikungulu yomhepo yokolukadi.
15 Jehova womatangakwaita ote ke va amena,Notava ka xwaka po nokufinda ovaumbi vomamanya.+
Otava ka nwa, notava ka weelela, va fa va nwa omaviinyu;Notava ka yadekwa ngaashi okayaxa,Ngaashi eehuke doaltari.+
16 Jehova, Kalunga kavo, ote ke va xupifa mefiku olo,Ve li oufita waye wovanhu;+Osheshi otava ka kala va fa omamanya mawa oshikoroni* tashi vema medu laye.+
17 Osheshi ouwa waye ounene shi fike peni,+Newapalo laye olinene shi fike peni!
Oilya otai ka ningifa ovalumenhu ovanyasha va ndjangumukwe,Nomaviinyu mape otaa ka ningifa oukadona elela va ndjangumukwe.”+
Omashangelo opedu
^ Eln., “onhele yokutulumukwa.”
^ Ile “ohotekuma.”
^ Ile tashi dulika, “pefuta.”
^ Sha hala okutya, elenga lomapata.
^ Sha hala okutya, okufininikwa kwovanhu vaye.
^ Ile “omufininiki.”
^ Ile “etangakwaita.”
^ Ile “noifindani; nokuxupifa.”
^ Ile “Kondongi yondume.”
^ Sha hala okutya, Eufrat.
^ Eln., “ka tifula.”
^ Sha hala okutya, ngaashi oshikuti.
^ Ile “oshishani.”
