Sakaria 12:1-14
12 Eshiivifo:
“Ondjovo yaJehova i na sha naIsrael,” Jehova osho ta ti,Oo a nyanununa mo eulu,*+Oo a dika po ekanghameno ledu,+Nosho yo oo a shita omhepo* yomunhu meni laye.
2 “Ohandi ningi Jerusalem eholo,* olo tali ningifa ovanhu aveshe ovo ve mu dingilila va pungauke; na Juda ota ka kondekwa nosho yo Jerusalem.+
3 Mefiku olo, ohandi ka ninga Jerusalem emanya lidjuu* kovanhu aveshe. Aveshe ovo tave ke li tumba po otava ka ehamekwa shili neenghono;+ noiwana aishe kombada yedu otai ka ongelwa i li omhinge naye.+
4 Mefiku olo,” Jehova osho ta ti, “Ohandi ka denga onghambe keshe nehaluko nosho yo omulondi wayo neenghwengu. Ohandi ka kaleka omesho ange keumbo laJuda, ashike ohandi ka denga onghambe keshe yovanhu noupofi.
5 Nomalenga* aJuda okwe lipopila momitima dao a ti, ‘Ovakalimo vomuJerusalem ove li eenghono kwaame okupitila muJehova womatangakwaita, Kalunga kavo.’+
6 Mefiku olo, ohandi ka ningifa omalenga aJuda a kale ngaashi ombiya yomundilo mokati koikuni, nongaashi onyika ya tema mokati koihati,+ notava ka lungwinifa po ovanhu aveshe, ovo ve va dingilila kolulyo nosho yo kolumosho;+ na Jerusalem ota ka kalwa vali monhele yaye,* muJerusalem.+
7 “Na Jehova ota ka xupifa omatwali aJuda tete, opo ewapalo* leumbo laDavid nosho yo ewapalo* lovakalimo vomuJerusalem liha kale linene unene li dule Juda.
8 Mefiku olo, Jehova ota ka kala eameno la dingilila ovakalimo vomuJerusalem;+ mefiku olo, oo ta punduka* mokati kavo ota ka kala a fa David, neumbo laDavid ongaashi Kalunga, ngaashi omweengeli waJehova ta i komesho yavo.+
9 Nomefiku olo, ohandi ka shilipaleka kutya onda hanauna po oiwana aishe, oyo tai uya i li omhinge naJerusalem.+
10 “Ohandi ka tila keumbo laDavid nosho yo kovakalimo vaJerusalem omhepo yokukala va hokiwa nosho yo yeindilo, notava ka tala kwaao va tyuula,+ notave ke mu lila ngaashi tava lili omonamati oye aeke; notava ka nyika oluhodi neenghono omolwaye, ngaashi ngeno tava nyikile oluhodi omonamati woshiveli.
11 Mefiku olo, elilaano muJerusalem otali ka kala linene, ngaashi elilaano puHadadrimmon mefilu laMegiddo.+
12 Nedu otali ka lila, epata keshe le likalela; epata leumbo laDavid le likalela nosho yo ovakainhu vavo ve likalela; epata leumbo laNatan+ le likalela nosho yo ovakainhu vavo ve likalela;
13 epata leumbo laLevi+ le likalela nosho yo ovakainhu vavo ve likalela; epata laSimei+ le likalela nosho yo ovakainhu vavo ve likalela;
14 Nomapata aeshe, aa a xupa po, epata keshe le likalela nosho yo ovakainhu vavo ve likalela.
