Sakaria 3:1-10
3 Nokwa ulikila nge Josua,+ omupristeri munene, a fikama moipafi yomweengeli waJehova, na Satana+ okwa li a fikama kombinga yeke laye lokolulyo, opo e mu kondjife.
2 Opo nee omweengeli waJehova okwa tya kuSatana: “Jehova ne ku handukile, ove Satana,+ heeno, Jehova, oo a hoolola Jerusalem,+ ne ku handukile! Mbela eshi kashi fi oshikuni tashi pi sha vakulwa momundilo?”
3 Josua okwa li a djala oikutu ya kaka, nokwa li a fikama moipafi yomweengeli.
4 Omweengeli okwa lombwela ovo va fikama komesho yaye a ti, “Duleni mo oikutu yaye ya kaka.” Opo nee okwa tya kuye, “Tala, onda ningifa enyono* loye li dje po pwoove, noto ka dikwa oikutu iwa elela.”*+
5 Onghee onda ti: “Na dikwe elapi liyela komutwe waye.”+ Nove mu dika elapi liyela komutwe waye, noku mu dika oikutu; nomweengeli waJehova okwa li a fikama popepi.
6 Opo nee omweengeli waJehova okwa lombwela Josua ta ti:
7 “Eshi osho Jehova womatangakwaita ta ti, ‘Ngeenge owa ende meendjila dange, nokuwanifa po oinakuwanifwa yoye moipafi yange, opo nee oto ka longa u li omutokoli meumbo lange,+ noto ka fila oshisho* omikala dange; nohandi ke ku pa emanguluko mokati kaava va fikama apa.’
8 “‘Alikana, pwilikina, ove omupristeri munene Josua, ove nookaume koye, ovo ve li omutumba moipafi yoye, osheshi ovalumenhu ava ove li po onga edidiliko; tala! ohandi eta mo omupiya wange+ Oshitutumine!+
9 Tala emanya, olo nda tula moipafi yaJosua! Kemanya limwe oku na omesho aheyali; nohandi takele kulo eshangelo,’ Jehova womatangakwaita osho ta ti, ‘nohandi ka kufa po etimba ledu olo moule wefiku limwe.’+
10 “‘Mefiku olo, Jehova womatangakwaita osho ta ti, ‘keshe umwe womunye ota ka shiva mushiinda shaye, e uye koshi yomundjebele waye nosho yo koshi yomukwiyu waye.’”+
