Sakaria 13:1-9
13 “Mefiku olo, eumbo laDavid otali ka xupilwa ondungu yalo nosho yo ovakalimo aveshe vomuJerusalem omolwokukosholwa omatimba nosho yo onyata.+
2 “Mefiku olo,” Jehova womatangakwaita osho ta ti, “Ohandi ka dima mo omadina oikalunga moshilongo,+ noitaa ka dimbulukiwa vali; nohandi ka hanauna po oshilongo shovaprofeti+ neemhepo da nyata.
3 Nongeenge omulumenhu okwa xunganeke vali, xe nosho yo ina, ovo ve mu dala, otava ka tya kuye, ‘Ito kala nomwenyo, molwaashi owa popya oipupulu medina laJehova.’ Na xe nosho yo ina, ovo ve mu dala, otave ke mu tyuula omolwokuxunganeka kwaye.+
4 “Mefiku olo, omuprofeti keshe ota ka fya ohoni emoniko laye, eshi ta xunganeke; noitava ka djala oikutu iwa yolududi,+ opo va kengelele.
5 Nota ka tya, ‘Ame nghi fi omuprofeti. Ame omulumenhu handi longo epya, molwaashi eshi nda li omunyasha, onda li nda landwa po komulumenhu.’
6 Nongeenge umwe okwe mu pula ta ti, ‘Oipute oyo i li pokati komapepe oye,* oyashike?’ Ota ka nyamukula ta ti, ‘Onda ningila oipute keumbo lookaume kange.’”*
7 “Ove eongamukonda, penduka u li omhinge nomufita wange,+Omhinge nomulumenhu oo e li kaume kange,” Jehova womatangakwaita osho ta ti.
“Denga omufita,+ nokweefa oufita* u lihane;+Nohandi ka taalelifa eke lange li li omhinge naavo inava fimana.”
8 “Nomomadu aeshe,” Jehova osho ta ti,“Oitukulwa ivali yomuo otai ka xulifwa po nokuxula po;*Noshititatu otashi ka xupa mo.
9 Nohandi ka endifa oshitukulwa oshititatu momundilo;Nohandi ke va hemuna ngaashi oshisilveri sha hemunwa,Nohandi ke va konakona ngaashi oshingoli hashi konakonwa.+
Otava ka ifana edina lange,Nohandi ke va nyamukula.
Ohandi ka tya, ‘Ove li ovanhu vange,’+
Notava ka tya, ‘Jehova oye Kalunga ketu.’”
