Sakaria 2:1-13
2 Nonda tala pombada, ndele handi mono omulumenhu e na ongodi yokuyelekifa+ meke laye.
2 Onghee onda pula: “Oto i peni?”
Okwa nyamukula: “Ohandi ka yeleka Jerusalem, opo ndi mone kutya omutamo waye ou fike peni nosho yo kutya oule waye ou fike peni.”+
3 Ndele tala! omweengeli, oo a li ta popi naame, okwa ya, nomweengeli mukwao okwe uya oku mu shakeneka.
4 Opo nee omweengeli oo okwa tya kuye: “Tondokela oko, ndele to lombwele omulumenhu oo omunyasha to ti, ‘“Jerusalem otashi ka kalwa+ shi li oshilando shihe na omakuma e shi dingilila, omolwovalumenhu aveshe nosho yo oimuna oyo i li muye.+
5 Nohandi ka ninga kuye,” Jehova osho ta ti, “ekuma lomundilo le mu dingilila,+ noshinge shange otashi ka kala mokati kaye.”’”+
6 “Ileni! Ileni! Indeni onhapo okudja kedu lokolundume,”+ Jehova osho ta ti.
“Osheshi onde mu halakanifila keemhepo nhee dokeulu,”+ Jehova osho ta ti.
7 “Sion, ila! Inda onhapo, ove ou ho kala nomonakadona waBabilon.+
8 Osheshi eshi osho Jehova womatangakwaita ta ti, oo konima eshi a tumbalekwa* a tuma nge koiwana, oyo ya li tai mu nyeke:+ ‘Keshe oo te mu kumu ota kumu omuni yeisho lange.*+
9 Paife ohandi ka yelula eke lange li li omhinge navo, notava nyekwa kovapika vavo vene.’+ Nomu na oku ka shiiva shili kutya Jehova womatangakwaita oye a tuma nge.
10 “Ingida nehafo, ove omonakadona waSion;+ osheshi ohandi uya,+ nohandi ka kala mokati koye,”+ Jehova osho ta ti.
11 “Oiwana ihapu otai ke liameka kuJehova mefiku olo,+ notai ka ninga ovanhu vange; nohandi ka kala mokati koye.” Nou na oku ka shiiva kutya Jehova womatangakwaita oye a tuma nge kwoove.
12 Jehova ota ka kufa Juda e li oshitukulwa shaye monhele iyapuki, nota ka hoolola vali Jerusalem.+
13 Ombelela* aishe, mweneni koshipala shaJehova, osheshi ota katuka onghatu okudja monhele yaye iyapuki.
