Sakaria 4:1-14
4 Omweengeli, oo a li a popya naame okwa aluka, ndele ta pendula nge, ngaashi ta pendula umwe meemhofi.
2 Opo nee okwa tya kwaame: “Ou wete shike?”
Onghee onda tya: “Ondi wete, ndele tala! oshikwatelwalamba sha longwa moshingoli ashishe+ shi na okayaxa koxulo yasho. Kusho okwa li ku na eelamba heyali,+ heeno, heyali, neelamba, odo di li koxulo yasho, odi na ominino heyali.
3 Nopopepi nasho opa li omiti mbali deemono,+ umwe ou li kolulyo lokayaxa, naumwe okolumosho.”
4 Opo nee onda pula omweengeli, oo a li ta popi naame, nda ti: “Omwene wange, oinima ei oya hala okutya ngahelipi?”
5 Onghee omweengeli, oo a li ta popi naame, okwa pula a ti: “Mbela ku shii kutya oinima ei otai ti ngahelipi?”
Onda nyamukula nda ti: “Ahawe, omwene wange.”
6 Opo nee okwa tya kwaame: “Ei oyo ondjovo yaJehova, oyo ye uya kuSerubbabel tai ti: ‘“Haketangakwaita, ile keenghono,+ ndele okomhepo yange,”+ Jehova womatangakwaita ta ti.
7 Oove lyelye, ove omhunda yakula? Oto ka kala edu la lalakana*+ moipafi yaSerubbabel.+ Nota ka kufa ko emanya lokoxulo,* nokwiingida kutya: “Inashi wapala tuu! Inashi wapala tuu!”’”
8 Ondjovo yaJehova oye uya vali kwaame tai ti:
9 “Omake aSerubbabel okwa dika po ekanghameno leumbo eli,+ note ke li mana nomake aye mwene.+ Nomu na oku ka shiiva kutya Jehova womatangakwaita oye a tuma nge kunye.
10 Osheshi olyelye ta dini efiku lokuhovela noinima inini?+ Osheshi otava ka nyakukwa nokumona ongodi yokutungifa* meke laSerubbabel. Oinima ei iheyali* oyo omesho aJehova, oo taa talaatala kombada yedu alishe.”+
11 Opo nee onde mu pula nda ti: “Omiti edi mbali deemono, odo di li kolulyo nosho yo kolumosho loshikwatelwalamba, otadi ti shike?”+
12 Onde mu pula oshikando oshitivali nda ti: “Oitai* yomiti mbali deemono, oyo tai tile oshikunguluki shoshingoli mominino mbali doshingoli, oya hala okutya ngahelipi?”
13 Onghee okwa pula nge a ti: “Mbela ou shii kutya oinima ei oya hala okutya ngahelipi?”
Onda nyamukula nda ti: “Ahawe, omwene wange.”
14 Okwa ti: “Ava ovo ovavaekwa vavali, ovo va fikama polwamba lOmwene wedu alishe.”+
