Sakaria 11:1-17
11 “Ove Libanon, yeulula omivelo doye,Opo omundilo u lungwinife po omisederi doye.
2 Ove omudjenipa, lilaana, osheshi omusederi owa wa po;Omiti dakula diwa oda hanaunwa po!
Nye omiti dakula* domuBasan, lileni,Osheshi ofuka ya fita oya hanaunwa po!
3 Pwilikina! Elilaano lovafita,Osheshi etumbalo lavo ola hanaunwa po.
Pwilikina! Okukumba kweenghoshi deenyasha,*Osheshi omangade a fita okomunghulo waJordan, okwa hanaunwa po.
4 “Eshi osho Jehova, Kalunga kange, ta ti, ‘Lifa oufita oo wa nuninwa okudipawa,+
5 oo ovalandi have u dipaa,+ noinava talika ko ve na ondjo. Naavo have u landifa+ ohava ti, “Jehova na tangwe, osheshi ohandi ka punapala.” Novafita vao ihave u udile olukeno.’+
6 “‘Osheshi itandi ka udila vali olukeno ovakalimo vomedu olo,’ Jehova osho ta ti. ‘Onghee ohandi ka ningifa omunhu keshe a wile meke lamukwao nosho yo lohamba yaye; notava ka hanauna po edu, noitandi ke va xupifa meke lavo.’”
7 Nonda hovela okulifa oufita, oo wa nuninwa okudipawa,+ ponhele yeni, nye ovafininikwa vomoufita. Onda kufa eedibo mbali, naimwe onde i luka Ohokwe, naikwao Oukumwe,+ ndele handi hovele okulifa oufita.
8 Nonda lekela ovafita vatatu momwedi umwe, osheshi kanda li* handi dulu oku ve lididimikila, nova* tonda nge yo.
9 Nonda ti: “Itandi ka twikila vali oku mu lifa. Ou ta fi na fye, naau ta xulu po na xule po. Ashike shi na sha naavo va xupa po, keshe umwe na xwake po ombelela yamukwao.”
10 Onghee onda kufa odibo yange, Ohokwe,+ ndele handi i tete po, nda teya ehangano lange, olo nda ninga novanhu aveshe.
11 Onghee ola li la teywa mefiku olo, novafininikwa vomoufita, ovo va li tava tale nge, ova li ve shii kutya osha li ondjovo yaJehova.
12 Opo nee onda tya kuvo: “Ngeenge osha wapala kunye, peni nge ondjabi yange; ndele ngeenge hasho, inamu i pa nge.” Nova futa* ondjabi yange, oisilveri 30.+
13 Opo nee Jehova okwa tya kwaame: “I ekela moshikefa, ongushu inene oyo va yeleka nge nayo.”+ Onghee onda kufa oisilveri 30, nonde i ekela moshikefa meumbo laJehova.+
14 Opo nee onda teta po odibo yange itivali, Oukumwe,+ nda teya oukaume, oo u li pokati kaJuda naIsrael.+
15 Na Jehova okwa tya kwaame: “Paife kufa oshilongifo shomufita ehe na oshilonga.+
16 Osheshi ohandi efa omufita a fikame moshilongo. Ita ka fila oshisho eedi odo tadi xulu po;+ ita ka konga eedjona, ile a velule odo da ehamekwa,+ ile a palule odo tadi dulu okufikama, ponhele yaasho, ota xwake po ombelela yaado da ondoka,+ nokuteyaula po omakondo eedi.+
17 Woo omufita wange ehe na oshilonga,+ oo ta hauluka oufita!+
Eongamukonda otali ka denga okwooko kwaye nosho yo eisho laye lokolulyo.
Okwooko kwaye otaku ka kukuta filufilu,Neisho laye lokolulyo otali ka twika* filufilu.”
