Sakaria 14:1-21
14 “Tala! Efiku otali uya, efiku laJehova, eshi oixuulwa* yoye* tai ke litukaulilwa mokati koye.
2 Ohandi ka ongela oiwana aishe i li omhinge naJerusalem omolwoita; noshilando otashi ka kwatwa ko, nomaumbo otaa ka nyekwa ko, novakainhu otava ka kwatwa onghonga. Netata loshilando otali i moukwatwa, ashike ooluxupe vovanhu itava ka kufwa mo moshilando.
3 “Jehova ota ka ya nokulwifa oiwana oyo,+ ngaashi ha lu mefiku lolwoodi.+
4 Mefiku olo, eemhadi daye otadi ka fikama kOmhunda yEemono,+ oyo ya taalela kuJerusalem koushilo; nOmhunda yEemono otai ka tukulwa pokati, okudja koushilo* fiyo okouninginino,* tashi etifa po efilu lakula neenghono; netata lomhunda otali ka ya kolundume, netata likwao layo okolukadi.
5 Otamu ka ya onhapo kefilu leemhunda dange, osheshi efilu leemhunda otali ka ya fiyo okuAsel. Otamu ka ya onhapo, ngaashi ashike mwa li mwa ya onhapo omolwekakamo ledu pefimbo lohamba Ussia yaJuda.+ Na Jehova, Kalunga kange, ote ke uya, novayapuki aveshe otava ka kala pamwe naye.+
6 “Mefiku olo, itapa ka kala ouyelele wa twa;+ oinima otai ka kala ya kukuta.*
7 Notali ka ninga efiku, olo la shiivika li li efiku laJehova.+ Itali ka kala efimbo lomutenya, ile li kale oufiku; nefimbo loufiku otapa ka kala ouyelele.
8 Mefiku olo, omeva e na omwenyo+ otaa ka kunguluka taa di muJerusalem,+ etata lao ola yuka kefuta lokoushilo,*+ netata likwao okefuta lokouninginino.*+ Otashi ka ningwa mokwenye nosho yo mokufu.
9 Na Jehova ota ka kala Ohamba kedu alishe.+ Mefiku olo, Jehova ota ka kala oye aeke Kalunga,+ nedina laye limwe alike.+
10 “Edu alishe otali ka kala ngaashi Araba,+ okudja kuGeba+ fiyo okuRimmon+ kolukadi laJerusalem; nota ka fikama nokukalwa monhele yaye,+ okudja kOshivelo shaBenjamin+ fiyo okombinga yOshivelo shOtete, fiyo okOshivelo shomOhuke, nokudja kOshungo yaHananel+ fiyo okoikolelo* yomaviinyu yohamba.
11 Novanhu otava ka kala muye; noitapa ka kala vali efingo li na sha nehanauno,+ novanhu otava ka kala muJerusalem ve li meameno.+
12 “Naali ehandukilo, olo Jehova ta ka handukila nalo ovanhu aveshe, ovo tava ka lwa oita naJerusalem:+ Ombelela yavo otai ka ola, ofimbo va fikama keemhadi davo, omesho avo otaa ka olela momakololo ao, nomalaka avo otaa ka olela momakanya avo.
13 “Mefiku olo, engwangwano okudja kuJehova otali ke lihanena mokati kavo; nakeshe umwe ota ka kwata a diinina eke lakaume kaye, neke laye otali ke uya li li omhinge neke lakaume kaye.*+
14 Juda ota ka kufa yo ombinga moita puJerusalem; nomaliko oiwana aishe, oyo ye mu dingilila, otaa ka ongelwa, oshingoli noshisilveri nosho yo oikutu momuvalu muhapu.+
15 “Nehandukilo la fa ehandukilo olo otali ka hanga yo eenghambe, omamwili, eengamelo, eendongi nosho yo oimuna aishe, oyo i li meenhanda.
16 “Keshe oo a xupa mo okudja moiwana aishe, oyo ye uya i li omhinge naJerusalem, ota ka ya omudo nomudo+ e linyongamene* Ohamba, Jehova womatangakwaita,+ noku dane Oshivilo shOmatwali.*+
17 Ashike ngeenge umwe mokati komapata okombada yedu ina ya kuJerusalem e ke linyongamene Ohamba, Jehova womatangakwaita, kape na odula tai ke va loka.+
18 Nongeenge oukwaneumbo waEgipiti inau uya ko noinau uya mo, itaku ka kala ku na odula. Ponhele yaasho, otau ka mona ehandukilo, olo Jehova a handukila nalo oiwana, oyo inai uya okudana Oshivilo shOmatwali.
19 Olo otali ka kala ehandukilo omolwetimba laEgipiti nosho yo etimba loiwana aishe, oyo inai uya ko i dane Oshivilo shOmatwali.
20 “Mefiku olo, eendjovo ‘Ouyapuki owaJehova!’+ otadi ka shangwa koungedjo veenghambe. Neembiya dokutelekela*+ domeumbo laJehova otadi ka kala ngaashi ouyaxa+ komesho yoaltari.
21 Nombiya keshe yokutelekela* muJerusalem nomuJuda otai ka kala iyapuki notai ka ninga yaJehova womatangakwaita, naaveshe ovo tava yambe omayambo otave ke uya mo nokulongifa dimwe domudo okufulukifila mo. Mefiku olo, itapa ka kala vali Omukaanan* meumbo laJehova womatangakwaita.”+
Omashangelo opedu
^ Ile “omaliko oo a xupa po konima yolwoodi.”
^ Sha hala okutya, oshilando, osho sha popiwa mo-vs. 2.
^ Ile “oko haku piti etango.”
^ Eln., “okefuta.”
^ Ile “itai longo,” ya fa ya kukutikwa neenee koutalala.
^ Sha hala okutya, Efuta laMediterranean.
^ Sha hala okutya, Efuta la Fya.
^ Ile “okoikwatelwa.”
^ Ile “nomunhu ota ka ponokela mukwao.”
^ Ile “shEenhele doPakafimbo.”
^ Ile “a longele.”
^ Ile “Neembiya dokutelekela di na omakanya a kula.”
^ Ile “Nombiya yokutelekela i na okanya ka kula.”
^ Ile tashi dulika, “omulandifi.”
