Sakaria 10:1-12
10 “Puleni Jehova odula pefimbo loitemadula.
Jehova oye ha ningi oilemo yoshikungulu,Oo he va lokifile odula,+Nokuyandja mepya oimeno kukeshe umwe.
2 Osheshi oihongwafano yaterafim* oya popya oipupulu;*Novanyanekeli ova mona emoniko loipupulu.
Ohava popi kombinga yeendjodi dongaho,Nohava kendabala okuhekeleka oshimha.
Nomolwaasho tava ka elaela ngaashi eedi.
Otava ka mona oixuna, osheshi kape na omufita.
3 Ehandu lange la xwama otali ka kala li li omhinge novafita,Nohandi ka kala ndi li omhinge novawiliki ovakwanyanya,*Osheshi Jehova womatangakwaita okwa yandja elitulemo laye koufita waye,+ keumbo laJuda,Nokwe va ninga ngaashi onghambe yaye ya fimana molwoodi.
4 Muye otamu di elenga,*Muye otamu di omupangeli oo e li omuyambididi,*Muye otamu di outa womolwoodi;Muye otamu di omupashukili* keshe; aveshe otava di muye.
5 Notava ka kala ngaashi ovakwaita,Tava lyataula onhata yomomapandavanda molwoodi.
Otava ka lwa oita, osheshi Jehova oku li pamwe navo;+Novalondi veenghambe otava ka fifwa ohoni.+
6 Ohandi ka ningifa eumbo laJuda li kale la fimana,Nohandi ka xupifa eumbo laJosef.+
Ohandi ke va alula,Osheshi ohandi ke va fila onghenda;+Notava ka kala va fa nda li inandi va ekelashi;+Osheshi aame Jehova, Kalunga kavo, nohandi ke va nyamukula.
7 Ovo vomuEfraim nava kale ngaashi omukwaita omunaenghono,Nomitima davo otadi ka nyakukwa, ngaashi omunhu a nwa omaviinyu.+
Ovanamati vavo otave ke shi mona nokunyakukwa;Omitima davo otadi ka hafela muJehova.+
8 ‘Ohandi ke va shikila omwilwa, noku va ongela pamwe;Osheshi ohandi ke va kulila,+ notava ka ninga vahapu,Notava ka twikila okuhapupala.
9 Nonande onde va halakanifa ngaashi eembuto mokati kovanhu,Otava ka dimbuluka nge keenhele dokokule;Otava ka kala ve na omwenyo vali, nokwaaluka pamwe novanamati vavo.
10 Ohandi ke va alula mo medu laEgipiti,Nohandi ke va ongela mo muAssiria;+Ohandi ke va twala kedu laGilead+ nosho yo laLibanon,Noitamu ka kala vali onhele yavo.+
11 Oku na okutauluka efuta noudjuu;Nota ka denga omakufikufi omefuta;+Omeva male aeshe omulonga waNil otaa ka pwiinina.
Ounhwa waAssiria otau ka ninipikwa,Nodibopangelo yaEgipiti otai ka dja po.+
12 Ohandi ke va fimanekifa, ame Jehova,+Notava ka endaenda medina laye,’+ Jehova osho ta ti.”
