Sakaria 6:1-15
6 Opo nee onda tala vali pombada, nonda mona omatemba ane taa di pokati keemhunda mbali, neemhunda oda li dongopolo.
2 Etemba lotete ola li li na eenghambe ditilyana, netemba etivali ola li li na eenghambe dilaula.+
3 Etemba etitatu ola li li na eenghambe ditoka, netemba etine ola li li na eenghambe di na outotone nosho yo omaluvala a yoolokafana.+
4 Onda pula omweengeli, oo a li ta popi naame, nda ti: “Omwene wange, otaa ulike kushike?”
5 Omweengeli okwa nyamukula nge a ti: “Edi eemhepo nhee+ dokeulu* odo tadi i, konima eshi da kala da fikama koshipala shOmwene wedu alishe.+
6 Olo* li na eenghambe dilaula otali i kedu lokolundume;+ naalo li na eenghambe ditoka otali i kombinga ikwao yefuta; naalo li na eenghambe di na outotone otali i kedu lokolukadi.
7 Naado di na omaluvala a yoolokafana oda li da halelela okuya di ka endaende kombada yedu alishe.” Opo nee onda tya: “Indeni, ka endaendeni kombada yedu alishe.” Noda hovela okweendaenda kombada yedu alishe.
8 Opo nee okwa ifana nge, ndele ta ti: “Tala, odo tadi i kedu lokolundume oda ningifa omhepo yaJehova i lote medu lokolundume.”
9 Ondjovo yaJehova oye uya vali kwaame tai ti:
10 “MuHeldai, muTobia nomuJedaia kufa mo osho va etelela okudja kovanhu ovo ve li moukwatwa; nomefiku olo, ou na okuya keumbo laJosia, omonamati waSefania, pamwe naavo ve uya okudja kuBabilon.
11 Ou na okukufa oshisilveri nosho yo oshingoli, ndele to ningi oshikoroni,* noku shi tula komutwe waJosua,+ omonamati waJehosadak, omupristeri munene.
12 Nou na okutya kuye,“‘Eshi osho Jehova womatangakwaita ta ti: “Ou oye omulumenhu oo edina laye Oshitutumine.+ Ota ka tutuma okudja monhele yaye, nota ka tunga otembeli yaJehova.+
13 Oye ta ka tunga otembeli yaJehova, noye ta ka tumbalekwa. Ota ka kala omutumba kolukalwapangelo laye, nota ka pangela, nota ka kala yo omupristeri kolukalwapangelo laye,+ notapa ka kala eudafanotwokumwe lombili pokati kavo vavali.*
14 Noshikoroni* otashi ka kala edimbulukifo kuHelem, kuTobia, kuJedaia+ nokuHen, omonamati waSefania, motembeli yaJehova.
15 Naavo ve li kokule otave ke uya, notava ka kufa ombinga mokutunga otembeli yaJehova.” Nomu na oku ka shiiva kutya Jehova womatangakwaita okwa tuma nge kunye. Notashi ka ningwa, ngeenge inamu dopa okupwilikina kondaka yaJehova, Kalunga keni.’”
