Matthew 1:1-25
1 Bei funmị Jesus Christ* ụndụma paa yebo* kị gẹẹwẹrịemi. Ómịnị David tọbọụ, bá Abraham kpọ tọbọụ:
2 Abraham kị Isaac ziimị;Isaac kị Jacob ziimị;Jacob kị Judah mọ wó bịnaotubo* mọ ziimị;
3 Judah kị Pirez mọ Zirah mọ ziimị, Tamar kị á yin;Pirez kị Hẹzron ziimị;Hẹzron kị Ram ziimị;
4 Ram kị Amminadab ziimị;Amminadab kị Nahshon ziimị;Nahshon kị Salmọn ziimị;
5 Salmọn kị Boaz ziimị, Rahab kị Boaz yin;Boaz kị Obed ziimị, Ruth kị Obed yin;Obed kị Jesse ziimị;
6 Jesse kị ibe-daaowei David ziimị.
David kị Solomon ziimị, Uriah taa kị Solomon yin;
7 Solomon kị Rehoboam ziimị;Rehoboam kị Abijah ziimị;Abijah kị Asa ziimị;
8 Asa kị Jehoshaphat ziimị;Jehoshaphat kị Jehoram ziimị;Jehoram kị Uzziah ziimị;*
9 Uzziah kị Jotham ziimị;Jotham kị Ahaz ziimị;Ahaz kị Hezekiah ziimị;
10 Hezekiah kị Manasseh ziimị;Manasseh kị Amon ziimị;Amon kị Josiah ziimị;
11 Josiah kị Jeconiah mọ wó bịnaotubo* mọ ziimị.* Babylon-otu Jew-otu kẹrịakị dọụtimi ovuru kị á ziimị.
12 Jew-otu kẹrịakị mú Babylon laadẹ ifie ka Jeconiah, Shealtiel ziimị;Shealtiel kị ba Zerubbabel ziimị;
13 Zerubbabel kị Abaịud ziimị;Abaịud kị Eliakịm ziimị;Eliakịm kị Azọr ziimị;
14 Azọr kị Zadok ziimị:Zadok kị Achim ziimị;Achim kị Elaịud ziimị;
15 Elaịud kị Eleazar ziimị;Eleazar kị Matthan ziimị;Matthan kị Jacob ziimị;
16 Jacob kị Joseph ziimị, Joseph kị Mary yei, Mary kị Jesus yin. Ómịnị kị bo Christ apaamị.
17 Ziituubosẹ diisiin daba, Abraham ifie dụọ mú David ifie laamị 14 ziituuama, David ifie duo mú Babylon-otu Jew-otu kẹrịakị ifie laamị 14 ziituuama, Jew-otu kẹrịakị Babylon amú ifie duo mú Christ ifie laamị 14 ziituuama.
18 Jesus Christ zii gbelemọ yọmị bei paayebo. Joseph mọ Mary mọ zọzọnanamụ bara gbaa-pẹlẹsiindẹmị, ámịnị naa kẹnị warị amú inyenringha timi,* Ayiba wó tọntọn tẹmẹ* kọn á mịẹ ofuromọdẹ bara ámọ dọụ-ẹrịmị.
19 Anịa Joseph kịrịye mịẹ owei, bá ómịnị Mary mịẹ bụze dọụgha duonị, ómịnị lẹẹ ána barasiinmụ bara iroromị.
20 Joseph bịsẹbara iroro-siindẹmị, Jehovah* angelị-owei dawaịtọrụ ka Joseph paamọwẹrị gbaa ụ pịrịmị: “Joseph, David tọbọụ, ị taa kọn warị amúmụ yọmị malafakụmọ, tuumị tọntọn tẹmẹ kị a mịẹ ofuromọ-wẹrịemi.
21 Amịnị owei tọbọụ ziimịnị, ị́mịnị Jesus* ka kị ụ tịịn. Ómịnị kị seibulu duo wó kịmịbo zụọmịnị.”
22 Bei yebosẹ Jehovah* wó bụrụ-owei duo gbaawẹrị egberibo kị mịẹbeinmọmị. Ómịnị wó bụrụ-owei duo gbaawẹrịmị:
23 “Dii! Owei-nimigha ere ofurowẹrị owei-tọbọụ ziimịnị, kịmịotu Immanuel ka kị ụ tịịnmịnị.” Ẹrẹ tuumị “Ayiba wo mọ mọ́ emi.”
24 Joseph bụnụtimi seri ifiemị, ómịnị Jehovah* angelị-owei gbaa bara mịẹwẹrị ụ taa kọn warị amúmị.
25 Anịa ómịnị amọ mọ́ bụnụghatimi amịnị owei-tọbọụ ziimị. Ómịnị Jesus ka kị tọbọụ tịịnmị.
Gbaatụayọama
^ Anịghakpọ “Messiah; Sẹlẹdẹ owei.”
^ Anịghakpọ “Jesus Christ duopaa ziituu.”
^ Bịnaotubo, owei-ama kị bẹmọwẹrịemi.
^ Jehoram gbesị Uzziah ziigha.
^ Bịnaotubo, owei-ama kị bẹmọwẹrịemi.
^ Josiah, Jeconiah opu daụ.
^ Bịsẹ ifiemị zọzọnanamụ bara gbaa-pẹlẹ daba, zọzọnanadẹ bara ka kị ye diimọwẹrịmị.
^ Anịghakpọ “Ayiba wó akị fịrịwẹnịmịnị kụrọ.”
^ Greek bẹẹlị akị gẹẹwẹrịemi Bible funbo, Jehovah ẹrẹmị 237 yọama k’emi, bei kị bọlọụyọ. Egberi ụngbọụ tuuama dii.
^ “Ẹrẹmị, Hebrew bẹẹlịmị Jeshua anịghakpọ Joshua kị tịịnmịnị. Ẹrẹ tuumị, zụọbụọmọye Jehovah kị duo bomịnị.”
^ Egberi ụngbọụ tuuama dii.
^ Egberi ụngbọụ tuuama dii.
