Wóni bẹ̌bẹ Ọ̌ngọozun nánánimí má bẹ̌bẹ bělị fǐe’emi yọama kị duo bónimí, bịsábara abị kpọ́ kẹ̌nị yěama kị mịẹ’emíyọ bị wó mịẹ kẹ́nịsụọmẹịnimí. Yělaádẹngịịyé bị, wóni Bible Ọkpọnanaowei bi má yěmọ sẹ Temeowei bi diidụbamọngịyọ kị dọu’ěmi. Wóni wó kǔrẹịbara naá Jesus Christ kị diimịẹ’emi, má christtuudu’otu ẹrẹ fi’emiyọ bi naá bǒlou kí ịmbẹlě’emi. Wó ghọ́ kẹnịbọ́kenịbọ sǐyaanbara nị ifíe mịẹpǎamọ bǎratụ́a kị̌mịama pị̌rị Bible mọ mǎnị Ọkpọnanáowei Daabụọ gbelemẹịn yéama tolumọ’emi. Wóni Jehovah Ọkpọnanáowei mọ má wo Daabụ́ọ gbelemẹịn yéama kị gbaa’emi bịmẹẹ́nị, wọ́ni Jehovah Iseriotu abịbara kị nị ọ pịrị nǐmiwónimi.

Wó site bị bị dụọ sụọ dọụ. Wó mọ́ má wó gbǎnaịnimi yěmọ kpọ tolumọ.